أشرف عبد الباقى يستقر على نجوم “تياترو مصر” الجزء الثانى

وكتب “عبد الباقي” على صفحته بموقع التواصل الاجتماعي “فيس بوك”: “مبروك لكل اللي نجح وكلمته النهاردة، أنا كلمت ١٠٠واحد من ٤ العصر ولسه مخلص حالًا، أتمنى التوفيق لكل الناس اللي مش معانا المرة دي، والله العظيم كان فيه ناس جامدين جدًا والاختيار كان صعب بس مش معنى إنك مش معانا، إنك تضايق وتيأس ممكن ما يبقاش ليك نصيب المرة دي بس يبقى لك نصيب في مكان تاني، أو معانا المرة الجاية إن شاء الله، كمان شويه هنزل أسماء وأرقام الـ ١٠٠ واحد وواحدة”.

وأضاف “الناس اللي مش هايبقوا معانا اسمحولي أقدم حاجة بسيطة أحاول أعبر بيها عن احترامي وتقديري لموهبتكم اللي أنتوا بتسعوا باحترام للنجاح فيها، دعوة لعروض المسرحيات لخمسة أفراد لكل واحد شارك في الاختبارات في أيام مختلفة، وهنسق ده من خلال الصفحة الأسبوع الجاي، تاني حاجة كل واحد شارك معانا عاوز أبعتله الفيديو بتاعه على الأنبوكس، لو هو حب ينزلها على صفحته براحته، وتنسيق ده صعب، بس هنوصله إن شاء الله برضه على الأسبوع الجاي، وأتمنى التوفيق للجميع”.