محمد محيى بعد مقلب رامز جلال برنامج تافه يهين ضيوفة

وهو النجم الخلوق محمد محيى والذى لا يهوى الأضواء مطلقا ويحاول طوال الوقت الابتعاد عنها رغم مطالبة جمهوره له طوال الوقت بالتواجد على الساحة الفنية، إلا أنه أكد أنه خدع أيضا فى

برنامج رامز جلال لكنه لأنه لا يحب الظهور أو المتاجرة أو أن يقال عليه باحثا عن الشهرة رفض أن يقاضى رامز أو أن يتحدث لوسائل الإعلام عن الواقعة.وقرر محيى أن يكتب ما حدث معه على

صفحته الشخصية على موقع “فيس بوك”، حيث أكد “أصعب شىء لما تكون شغال مع حد قريب منك وشبه يعرفك ولكنه لا يفهمك ولا يحاول غير ادعاء فهمك وراحتك يعتقد أن ما حدث فى

موضوع رامز جلال قرش البحر حاجة جميلة وشهرة ونسبة مشاهدة وفرحة للناس رغم انى مش من محبى الشهرة بالذات الفارغة من المضمون وأقسم بالله العلى العظيم إنى فى حياتى ما حزنت

على نفسى إلا فى هذا اليوم المشئوم اللى صادف عيد ميلادى صحيح أنا غلط لما قبلت برنامج بيتكلم عن المونديال وكأس العالم وكنت بقول ليهم ليه متجبوش نجوم الكرة وسألت طب وأنا مالى لكن

سرعان ما أقنعنى الصديق وأقنعتنى نفسى وطمعها أن حاجتى للمال قد تبرر لنفسى وجودى خصوصاً وأنا كروى وبحب الكرة بس طلعت قروى”.وأضاف محيى “وحدث وجودى فى برنامج تانى

أصعب وأهيف وقال إيه مقلب وخفة دم وكده ويطلع أخونا النجم فرحان إنه عمل كده فيك وقال بيحبك وكده ومتزعلش وعايز إيه نعملهولك نعتذر لك بيه لا دى إهانة وقلة قيمة وخديعة لشخص

مالوش فى هزارك ولا خفة دمك يا رامز ولا هو صاحبك ولا هيكون ولا يحب مشاهدة هذه النوعية من البرامج سواء كانت لشخصية عامة أو شخصية عادية من الأصل وطبعاً الكاميرات شغالة

عشان يشوفوا رد فعلك ويتمنوا تشتم أو تضرب أو حتى ترفع قضية تزيد الدراما الكوميدية.وأضاف، معملتش حاجة من فضل ربى وكتمت إحساسى احتراماً للناس وﻷنى متعودتش أهين أو أكسف

حد قصاد ناسه ومش هعمل حاجه لا قضية ولا صحافة ولا برامج نضيع بيها وقت الناس ﻷسباب كتيرة أولاً إحساس الخديعة والإهانة ميسويش ملايين ولا مليارات الوجود واللى قريب منى وحتى

البعيد يعرف انى ابعد الأشخاص وازهدهم ف الأشياء المادية رغم الحاجة إليها أحياناً ثانياً عشان محدش يقول ده عايز فلوس كمان وحاش لله أن أتاجر بكرامتى واحساسى غانيك عن انى لن أشغل

قضاءنا بتوافه الأمور أستاذتى اثار الحكيم اشعر بكل احساس ليكى مهما كان اختلاف الناس او اتفاقهم معك فهم لم يمرو بما مررنا به اعتذر لكى ولى ولكل جمهور لا يحب ان يضحك على خديعة

غيرو وحسن نيته اما الجمهور اللى بيحب ده فاضحكو من قلوبكم استغفر الله لى ولكم وعن نفسى أدبت نفسى وعن قريب هتعرفوا.. أسف للإطالة الحمد لله على كل شىء وهنسى إن شاء الله

الموقف السخيف وأكمل شغلى والله على ما أقول شهيد فى صدق الكلام والنية وفى الآخر غلطة واتعلمت ألا أثق غير فيمن هم محل وأهل للثقة”