إسماعيل ياسين يجيب على 4 أسئلة محرجة بخفة دم ..

قدمت مجلة الموعد مسابقة اشترك فيها العديد من النجوم، تحت اسم “آلو موعد”، وكانت شروط المسابقة أن يجيب كل فنان على أسئلة المعجبين من خلال التليفون، لكى يحاول المتسابقين معرفة من هو هذا الفنان الذى يتحدث معهم.

وكانت من ضمن الأسئلة الطريفة والمحرجة التى وجهت لإسماعيل ياسين هى:
المتسابقة: صباح الخير يا فندم؟
إسماعيل: أنت خربطى عقلى.. إيه الصوت الناعم ده؟!
المتسابقة: حضرتك بتعمل إيه؟
إسماعيل: أنا بضحك الناس عاجبك كده؟
المتسابقة: يا سلام على خفة دمك يا أستاذ اسمك إيه؟
إسماعيل: قديمة دى.
المتسابقة: إيه رأيك بالموضة.. الشورت مثلا؟!
إسماعيل: أنا راجل ما حبش الحاجات دى، وخصوصا الشورت، حاجة بتخوف يا رب استر، كنت أحب أقول أنى بفضل المينى والميكرو، بس بخاف من مراتى.
المتسابقة: آلو.. إنت شكلك حلو؟
إسماعيل: لا بشع!
المتسابقة: ليه؟!
إسماعيل: عشان أمى حلوة.. ومراتى كانت تقولى إنت أمك يوم ما ولدتك كانت بتبص من الشباك على فصيلة قرود.
المتسابقة: ممكن توصفلى شكلك؟
إسماعيل: أنا الإنسان الوحيد اللى شكله مالوش وصف.