باشمُحضر إخوانى ولافخر ( العهد الإخوانى الأول )‎

                                                                                                                                                                                           أصحابة كلهم مستشارين حتى ولو كان بيلعب ف الطين ..عندة م الحريم أربعة عايش زمن سى السيد ..والعيال خلاص كملوا الدستة ..وكلهم مراكز والعوض عند الله .ومن أول الغفير لغاية المدير ومنهم إتجوز وإتهنى ومنهم اللى مابيعرفش . شباب وبنات وكلة يفوت ف الحديد ..كان معروف إنة لازم يعدى ال 10 بواكى كل شهر وعينى آة ياعينى ..وكانت خبطة عمرة يوم قضية إسماعيل بانجو ..الواد كان لابس لابس فى التأبيدة لكن الله يسترة العم محمود عمل الحبتين بتوعة ..وخلصت الشغلانة ..وهبشلة ال50 باكو أصل أبو إسماعيل تاجر كبير فى الصنف ويتعملة ألف حساب وكلة على عينك ياحسنى ..                                                                                                     المهم بعد الثورة كان قلقان والسبوبة هتقطع  لما الشغل وقف والقضاة قاموا ع المحامين ..قعد يصرح تعاليلى يأمة بيتى إتخرب ..كل الشعب بقى محامين والكل هيعرف حقة مالناش عيش ف البلد دى ..وف يوم وهو بيصلى الجمعة اليتيمة ف حياتة .طلع شيخنا المحترم وع المنبر ويقول الإخوان جايين جايين والعيشة هتبقى حلال والكل هيهيص واللى كان بياكل عيش هياكل بقلاوة بإذن الله ..لكن لازم نعيش زمن الإخوان حرية وعدالة إجتماعية ..ونلتزم بتعاليم الإسلام لجل ربنا يكرمنا وينصر البلد دى بالإخوان قبل الإسلام واللى موش عاجبة يشرب م البحر..الراجل فتح بقة ..وإنشكح لدرجة إنة نسى يكمل الصلاة ..وخرج وهو ناوى يطبق الإسلام الإخوانى فى كل شبر على أرض المحروسة واللى تطولة إيدية ..ساب دقنة كام يوم وإشترالة جلابيتين ..وأصبح من دعاة الحرية والعدالة الإجتماعية الإخوانية ..ولما المحاكم رجعت راح الشغل بالزى الرسمى الجديد لكن القضاة أصحابة زى ما إنتوا فاكرين …وإتنفخ قوى صاحبنا لما سمع الريس مرسى فى التحرير بيقول ( ثوار أحرار وهنكمل المشوار ) ومكانش عارف إن دى إشتغالة .ورط نفسة مع قاضى ثورى شويتين ..وحلف براس أبوة ليعطل سير العدالة ..شوية تزوير فى أوراق ..وشوية إخفاء بعض المستندات عن القاضى ..وشوية ضغط ع الناس تنفيذ أحكام والكل عايز يعيش والبلية لعبت تانى ..                                                                                                                                                              وقابلة عم الشيخ إياة صاحب البشرى الإخوانية ..تمام ياعم محمود .عايزينك فى الحزب بقى ..إنت راجل عِترة ومخَلص وأكيد هتنفعهم قوى ..قلع الجلابية عمنا وراح ع المقطم الإول لحلف اليمين بما لايخالف شرع الله وطبعا ظبط دقنة وش الخير والسعد ..وقابل الراجل الكبير ووعدة بمنصب كبير بشرط الولاء للإخوان ثم الوطن ..خرج صاحبنا آخر نفخة ويأرض إتهدى ماعليك ٌدى .                                                                            الطمع دخل جواة وراسة وألف سيف يسيب قلم المحضرين ويمسك قلم الوزراء ..ومن يومها الوزير محمود شغال ولعة ورغم إنة بيلف حوالين نفسة إلا إنة عندة إنجازات كتيرة قبل ال100 يوم ..سافر مع الريس كتير عشان يكتبلة المحاضر والخطب كمان .طبعا مفيش حد يقدر العم محمود ..أقصد الوزير محمود فى أول حكومة فى العهد الإخوانى الأول .