دينا عبد العزيز تكتب .. يا بوليـــــــــــــــس …يا شاويـــــــــــــــــــِش !

      وبالرغم من الابتسامة التي رسمتها كلمات الطفلة اللطيفة على شفتي أول الأمر ،لبراءتها ولرقي أهل الزمن اللي فات،إلا إن تلك الكلمات البسيطة بذاك الأسلوب الساخر أيقظتني على حقيقة مريرة وواقعاً مشوه،لمستقبل بصورة ضبابية ،حيث يُفتي من يجهل  بما لايحق له ، فيصفق له المنتفعون من أنصاف البشر،من إباحة زواج الفتيات الصغيرات البالغات من العمر  تسع سنوات !!!!!!
      يانهار لونه غامق !! تسع سنوات !! يعني طفلة ..يعني عيلة .. يعني لسه بتلبس شورت، وتلعب بالعروسة ،وتقول مشطيلي شعري يا ماما !!! يعني مش عارفة يعني إيه جواز غير فرح وعروسة لابسة أبيض وعريس بيرقص وأغاني وتنطيط !!
أصبت بالغثيان، وترقرقت الدموع في مقلتاي، وبصيت حولي، ملقيتش بنتي جنبي !! وطيران على البلكونة وأخذت بنتي  ذات التسع سنوات ..خوفا من أن يراها عضو لجنة تأسيسة كده ولا كده – والعياذ بالله-  ماهو الشيطان شاطر أوي أوي الايام دي.
    أخذتها في حضني وخبيتها ،ولقيت إني تقمصت شخصية اسماعيل ياسين وفضلت أصرخ واقول :
" يا بوليــــــــــــــــــس يا شاويــــــــــــــــــــــــش يا شاويــــــــــــــــــــش" .