في حوار معها .. «ساندي» : دخلت الفن بالصدفة

(2)    ايه اكتر فيلم عرفك بالجمهور

طبعا فيلم خيانة مشروعة مع هاني سلامة وخالد يوسف وهو ده المحطة اللي من خلالها بدات اتعرف وانتشر  واكتر فيلم عرفني بالجمهور وعلم مع الناس اوي

(3)    من اكتر مخرجين بتحبي تشتغلي معاهم

اهم المخرجين اللي اشتغلت معاهم خالد يوسف ووائل احسان وايناس الدغيدي ونادر جلال  واكتر واحد برتاح في الشغل معاه هو خالد يوسف لانه فاهم اوي شغله وبيحبه لازم يطلع كل حاجة صح في الفيلم عشانكده الناس بتخش كل افلامه بغض النظر عن من نجم الشباك

(4)    كنتي متالقة في رمضان وكنتي عاملة برنامج فيلم هندي يا ساندي علي ميلودي دراما و شاركتي في مسلسل ابن النظام مع هاني رمزي  فحاسة بعد العملين دول وفي شهر رمضان وادام شاشة التليفزيون انك ممكن تكوني بطلة فيلم لوحدك بعد مالناس عرفتك وشافتك في رمضان

لا طبعا لسه بدري اوي عشان اعمل فيلم بطولة مطلقة ولازم الجمهور يعرفني اكتر من كده ولو اتعرض عليا دلوقتي حرفض لاني لسه ماثبتش نفسي ومعرفتش نفسي بالجمهور اوي

(5)    هل هناك ممثلين معينين عايزة تشتغلي معاهم

اكيد في كتير اوي طبعا اولهم عادل امام نفسي اشتغل معاه جدا واحمد السقا واحمد عز لان دول بيعملوا افلام من خلالها تقدر توصل للجمهور واكيد بعد ماشتغلت مع محمد سعد في فيلم كتكوت واحمد حامي في فيلم ظرف طارق فلازم اثبت نفسي علي مستوي معين من الافلام من ناحية الورق و النجوم

(6)     ليه دايما بيتم تصنيف ساندي كممثلة اغراء

اضافت ساندي انها غير منزعجة من لقب ممثلة اغراء وقالت.بالعكس يسعدني لان هذا يدل علي ان الناس بتحبني و بتحب ادواري و مظهري ولكنني اريد ان اؤكد انني لا اري نفسي فتاة تجيد فن الاغراء واكدت ان في فيلم محطة مصر مع كريم عبد العزيز اخذت راي النقاد ومنهم طارق الشناوي الذي ابدي اعجابه بالفيلم واكد في نقده للفيلم ان ابطال الفيلم الحقيقين هم ادوارد و ساندي

(7)    ساندي معروف عنها انها بتقدم مشاهد ساخنة هل ده عشان تتعرف بالجمهور بسرعة

خالص واكيد مش حتعرف بالجمهور بالطريقة دي بس ده ورق مكتوب  وقصة فيلم وبعدين في رقابة في مصر مقدرش اعمل مشهد من غير متتم الرقابة عليه وبعدين ليه بنقبل فيلم لانجلينا جولي وانطونيو بندارس كفيلم اجنبي وفيه مشاهد ساخنة ولا نتقبل فيلم مصري فيه قبلة ومبدا فيلم ساخن لابد ان يتشال من ثقافتنا

(8)    ساندي التونسية عايشة في مصر خلاص نواية تستقري هنا فعلا

انا مصر بالنسبالي النيل و الاهرامات وعادل امام ولما جيت مصر حبيت فيها الزحمة و الفقير و طيبة شعبها وكرمه وشعبها مضياف بجد وفي عز البلد مبتتدمر بتضحكوا و تهزروا ولما خرج الخواجة من مصر قال (خبيبي) وعايزة اقولك ان مصر هوليود الشرق بجد ولما بسافر اي بلد بيقولو مصر ومبيقولوش قرطاج او الاردن او سوريا

(9)    بتحبي ايه في مصر

بحب شبرا وبولاق وشارع الهرم وكتير للاسف ميعرفوش بلدهم من شعب مصر

(10)ساندي مابتفكريش في الارتباط حاليا  ولو ارتبطي ممكن تعتزلي

والله بفكر بس لسه مجاش نصيبي و لو جه اكيد وحبيته حعتزل عشان اكون عيلة و استقرار 

(11)     في اشاعة انك مرتبطة بتامر حسني صح ولا غلط

الاشاعة دي طلعت بعد مرحت مع تامر وحضرت عرض خاص لفيلم عمر وسلمي بحكم صداقتنا وبعدين مازعجتنيش الاشاعة دي لاني متعودة علي كده وكل يوم بسمع اني اتجوزت ممثل او مطرب

(12)     مبتحاوليش تتجهي نحو العالمية

اكد ت ساندي انها تلقت عرض من جهة انتاجية عرضت عليا المشاركة في فيلم امريكي علي ان تظهر في احد مشاهده عارية تماما وتؤكد ساندي انها مثل اي فنانة تحلم بالعالمية والمشاركة في فيلم عالمي ستفتح لها المجال بالانتشار الواسع و السريع ولكنها رفضت لان العري لا يتوافق مع مبادئها و مع مجتمعنا الشرقي