باسم يوسف لماذا

(2) ناس مبسوطة إن مافيش باسم يوسف واللى بدورهم ينقسموا إلى :

– ناس متابعة ومش عاجبها باسم علشان رأيهم غير رأيه فى المواضيع اللى عرضها – وناس متابعة بس مش عاجبها اختياره للمواضيع ، عاوزينه مثلا يهاجم الإخوان زى زمان حتى وهما بره الحكم برضه – وناس مش متابعة وبتسمع إنه وحش فخلاص بيهاجموه علشان بيمشوا مع التيار

يلتقى القوم (2) فى نقطة إنه باسم مش على ذوقهم فى طريقة تقديمه ؟؟ أبداً ! absolutely لأن فيه منهم صلا أاللى بيهزر بألفاظ غير مهذبة .. بل بألفاظ غير لائقة أيضا فى حياته ومع محيطه وكأن هذا أمر عادى !

هما بس التقوا على إن الكلام المنتشر فى الإعلام وعلى النت وفى الشارع بيكرههم فى باسم علشان بيتكلم عن السيسى بطريقة فهموها على إنها إهانة وهى تورية وتشبيه فقط لاغير – مع اختلافى الشديد مع باسم فى إنه تشبيه غير بليغ – يعنى على الأسلوب –

المشكلة إن اللى عاوز يزود شعبية السيسى اشتغل على فكرة إن باسم يوسف طابور خامس .. ويظهر إن النغمة دى مستمرة وبتعلى وهاتستغل مع كل مخالف للرأى مع النظام الحالى سواء كان خلافه يتم التعبير عنه بألفاظ حميدة ونقاش علمى سليم أو من يستعمل الإسقاط والسخرية .. إلخ من الوسائل

طيب لو شلنا باسم يوسف من المعادلة خالص . فيه شخصيات تانية لها أراء قيمة وطروحات مفيدة يتم الغلوشة عليهم أو على آرائهم أو يتم شغلهم بسفريات وبأعمال غير ذات أولوية لوضعهم فى خلفية الصورة بدل تصدرهم المشهد ، حتى لايكتسبوا شعبية ولا يظلوا فى الصدارة ملء الأسماع وأمام النظر ، تمهيدا لخذفهم تدريجيا من الصورة .. وبدأت نبرة تظهر على استحياء أكاد أجزم أنها نبرة ستعلو لاحقا ، وتظهر فى برامج معينة فى صورة تساؤلات بريئة : ماحجم الليرالين فى الشارع .. ؟؟؟ واخد بالك : الدور الدور الدور الدور .. موعودة ياللى عليك الدور .. قلنا أكلت يوم أكل الثور الأصفر : دول ودول زعلوا !!! شعور عميق بإن مصر ترجع إلى الخلف وبسرعة .. فرامل ودوس بنزين وحياتك !