إبراهيم خالد يكتب … قرارات مرسى الاخيرة تذكرنى بقرارات مبارك الاخيرة ايضا

ـ تحية تقدير واعتزاز بالقدير الدكتور محمد البرادعى الذى رفض ان يكون " تيس مستعار " ويشارك العسكر والاخوان فى الانتخابات الرئاسية .ـ فى الماضى البعيد بصمت بصوابعى " العشرة " ان مبارك عميل للبيت الابيض .. والآن ابصم بصوابعى " العشرين " ان البيت الابيض عميل للآخوان !!ـ  وانا بدردش مع مواطن بسيط فى احوال مصر قال لى انا انتخبت الاخوان فى البرلمان وفى الرئاسة لكن اتخدعت فيهم لانهم وعدونى بوظيفة ولحسوا وعدهم .. المرة الجاية مش هنتخب اى واحد بدقن ….. أبشروا من أتى بالاخوان وتيار الاسلام السياسى هو نفسه من سيسقطهمـ  مستحيل ان تبنى مصر قاعدتها العلمية على التسول من البسطاء فى الوقت الذى يتبرع فية اغنياء العالم بمعظم ثرواتهم للبسطاء .ـ  هو اللواء محسن الفنجرى فين ؟! ولا حس ولا خبر .. لعل المانع خير . ولا يكون زعلان علشان محدش عبره بقلادة نيل ولا حتى قلادة جمهورية ولا حتى نيشان من بتوع احمد مظهر فى فيلم الايدى الناعمة !!ـ  فكرت مرة وقلت لنفسى ماذا لو كان العبد لله احد اركان نظام مبارك او مسؤولا فاسدا او صحفيا من بتوع امن الدولة ماذا ستفعل بعد الثورة … فقلت لنفسى هو معقول  انك تكون زى دووول !! فقلت افرض يعنى ؟! اة .. طالما سؤال افتراضى هرد عليك ….. شوف .. اعترف واشهد امام الله ثم الشعب بما حدث معى فى ظل نظام المخلوع وليقضى الله امرا كان مفعولا … يمكن ربنا يغفر لى والشعب يسامحنى … لكن ان اكون طرف ثالث او ثورةمضادة .. ! دا لا يمكن ابدا