عين ع الإعلام

06:54 مساءً EET

#ياسمين_عز: الراجل الصعيدي مش مجرد زوج وحبيب ده أخ وأب وصديق وسند وونس

شجعت الإعلامية ياسمين عز متابعات برنامجها “كلام الناس” عبر قناة MBC مصر على الزواج من أبناء الصعيد، لما يشتهرون به من صفات وسلوكيات حميدة.

وقالت ياسمين عز خلال تقديمها حلقة السبت من البرنامج: “إتجوزي راجل صعيدي وإنت مغمضة عينك، وحطي في بطنك بطيختين صيفي، ولا يكون عندك أدنى شك إنك في حمى راجل يحبك ويصونك العمر كله”.

وأضافت: “الصعايدة يعني الأصل الطيب والأخلاق الحميدة، والشهامة والنخوة والحكمة، وكل الصفات النادرة موجودة عند الراجل الصعيدي”.

وتابعت: “الراجل الصعيدي مش مجرد زوج وحبيب، ده أخ وأب وصديق وسند وونس، وإخلاص نادر وكاتم أسرار من الطراز الأول، وحرمة بيته بالدنيا كلها”.

وأكملت: “الراجل الصعيدي يهمه أخلاقك قبل جمالك، ودمه حامي عشان كده بيغير عليكي، ولازم تتقبلي غيرته، وتحسسيه إنه محور حياتك”.

أشارت ياسمين عز إلى الصورة النمطية السلبية التي تظهرها الدراما للرجل الصعيدي قائلة: “للأسف الدراما بتصور للناس إن الرجل الصعيدي عصبي ومفيش تفاهم معاه، ده مش موجود على أرض الواقع، وهتلاقيه معظم الوقت ياخد مشورتك في أمور كتيرة”.

التعليقات