#عفاف_مصطفى: اللي بتحط ماكياج عقابها شديد من #خالد_يوسف

نشرت الفنانة عفاف مصطفى صورة جديدة لها من كواليس مسلسل “سره الباتع” الذي سينافس في موسم رمضان المقبل من إخراج خالد يوسف.

وعلقت عفاف مصطفى على الصورة “استأذنت المخرج خالد يوسف قبل نزول الصورة دي من مسلسل سره الباتع قبل عرضه.. أول لما قولت له أستاذ خالد هنزل صورة بعد إذنك قالي طلباتك كترت يا عفاف.. لازم استأذنه أصلها مش فوضي وإلا كان العقاب هيكون شديد ليا من الأستاذ ومن الإنتاج”.

وأضافت عفاف مصطفى “على فكرة الصورة طبيعية لأن ممنوع منعا باتا المكياج واللي تحط مكياج تتعاقب وتغسل وشها في اللوكيشن قدام الكاست كله المكون من المئات وقدام الكاميرا، تاني حاجة أنا مش بنزل صور شغلي إلا لما أستأذن الأول”.

وتابعت عفاف مصطفى “بصراحة سعدت بشغلي مع العملاق المبدع خالد يوسف، وأسرة العمل الرائعة من أكبر منصب لأصغر واحد ربنا يديمها عليا نعمة الناس اللي بتحبني وتدعمني دون طلب مني.. الحمد لله دائما دائما”.