#أحمد_العوضي يطالب بعدم نشر صور من فيديو كوبري الساحل

طالب الفنان أحمد العوضي مستخدمي مواقع التواصل الاجتماعي بالامتناع عن إعادة نشر صور من الفيديو الفاضح، الذي تم تداوله لشاب وفتاة مؤخرا.

وكتب أحمد العوضي عبر حسابه في موقع التواصل الاجتماعي فيسبوك: “الستر من صفات الله ملك الملوك هو الستار ولولا ستر الله علينا ما طابت الحياه، كلنا بنطلب من ربنا الستر، لما بتدعي لحد بتقوله ربنا يسترها علينا وعليك”.

وأضاف: “موضوع الولد والبنت علي الكوبري مش موضوع كوميدي يجوز اننا نهزر فيه.. ده فضح، حتي لو هما اللي فضحو نفسهم واجبنا احنا اننا نستر ونعدي الموضوع، لكن التركيز عليه ونشر الصور هو فضح ودي مش اخلاقنا”.

وتابع: “ياريت نتروى ونفهم اننا كلنا ربنا ساترنا فلو ربنا شال ستره علي بني ادم افهم ان في لحظه ممكن الستر يتشال من عليك، ربنا يسترها علينا وعليكم وعلي كل اخواتنا”.