#رنا_رئيس: أنا وخطيبي بنحب بعض من 7 سنين

قالت الفنانة رنا رئيس إن خطيبها يسري طلب يدها من والدتها وفوجئت بوجوده في برنامج “معكم” مع الإعلامية منى الشاذلي.

وعلقت رنا رئيس خلال لقاءها ببرنامج “في حتة تانية” تقديم دنيا صلاح عبدالله على ميجا إف إم: “أنا ويسري بنحب بعض من ٧ سنين وشوفنا كل حاجة مع بعض، وهو دايما بيدعمني في شغلي”.

وأضافت: “جت لي فرصة أقدم برنامج بس رفضت، كنت عاوزة أمثل من وأنا عندي 4 سنين بس أمي كانت رافضة علشان الدراسة، وبدأت في ٢٠١٧ بعد إقناع ومحايلة كتير أوي”.

وعن أول الأعمال التي عرضت عليها قالت: “كان مسلسل (وضع أمني)، ومسلسل (أرض جو)، والإتنين في نفس السنة”، وتابعت: “كنت مرعوبة جدا من دوري في مسلسل (ليالينا 80) والمخرج أحمد صالح كان مؤمن بيا جدًا، و كنت بتعامل مع أهلي في البيت وأنا مغمية عيني علشان اتعود علي دوري في المسلسل”.

أما أصعب مشهد لها في مسلسل “نجيب زاهي زركش”، قالت: “هو أول مشهد ليا قدام دكتور يحيي الفخراني”، وعن ياسر جلال قالته عنه: “إنسان مريح جدا وجميل، واحتواني في مسلسل (ضل راجل)”.