#ياسمين_عز: جوزك لو إتساب مش هيتجاب

حذرت الإعلامية ياسمين عز الفتيات في مرحلة الخطوبة والزوجات من خطورة الكشف عن تفاصيل العلاقة مع الخطيب أو الزوج للصديقة المقربة، الأمر الذي قد يهدد هذه العلاقة وقد ينتهي بالانفصال.

وقالت ياسمين عز خلال تقديمها برنامج “كلام الناس” المذاع عبر قناة MBC مصر إنها واجهت انتقادات لتحذيرها السابق من ذلك الأمر قبل أيام، لكن المعترضات اتفقن معها بعد انشغال مواقع التواصل الاجتماعي بالحديث عن واقعة الصديقة التي خطفت زوج صديقتها.

وأضافت: “الست خطفت جوز صاحبتها، ومن جبروتها منزلة صورهم مع بعض في فرحها على جوز صاحبتها، وكاتبة أخيرا اتحقق حلم اتأخر 10 سنين”.

وتابعت: “ممكن صاحبة تحاول 10 سنين تخطف جوز صاحبتها، والمسكينة عمالة تقول لها أسرار البيت وجوزها بيحب وبيكره إيه، عشان تاخده على الجاهز. صاحبتك دي في أي خناقة بينك وبين جوزك أول واحدة تقويكي عليه بدل ما تهديكي عشان تحتوي الموقف”.

ووجهت ياسمين عز نصيحة للزوجات لتجنب هذا الموقف قائلة: “صاحبتي على عيني وراسي في كل حاجة إلا جوزي، التفاصيل تخصك إنت وجوزك مينفعش حد تاني يعرفها”.

وأكملت: “بعد ما صاحبتك تخطف فرعونك متقوليش كانت طول عمرها فاسدة، لما هي فاسدة ليه كانت صاحبتك من زمان. إمسكي جوزك فرعونك بإيديك، واعرفي إنه لو إتساب مش هيتجاب”.