#غادة_عبد_الرازق: أنا خجولة جدًا

قالت الفنانة غادة عبد الرازق إنها خجولة للغاية على خلاف ما هو مشهور عنها فهي تتسم بشخصية قوية وحادة أمام الكاميرا فحسب.

وخلال لقائها مع مجلة What Women Want، قالت غادة عبد الرازق “أنا مبعرفش أقف قدام كاميرا إلا وأنا بمثل بس، أنا خجولة جدًا ومبحبش أظهر كتير والناس بتفتكر إني مش كده لكن الحقيقة إني خجولة جدًا”.

وأضافت غادة عبد الرازق “لما بكون ضيفة في برنامج ساعات بكون حادة في الكلام، وده مش بيعجبني، عشان كده بفضل لما أقف قدام الكاميرا أكون في شغلي وبمثل بس مش أى حاجة تانية”.

أما عن رأيها في تغيير صناعة السينما بالنسبة للسيدات قالت غادة عبد الرازق “”حابة إن الستات ترجع تعمل بطولة مطلقة في السينما، ومتبقاش النجومية محددة على بطل قدام بطلة”.

وتابعت غادة عبد الرازق “حابة أن الأيام دي بقى في أعمال أبطالها نجوم كتير، مش قائم على النجم والنجمة، بس أتمنى نرجع نعمل حاجة زي باب الحديد، جعلوني مجرمًا، حاجة ليها هدف وفي نفس الوقت تكون مسلية للناس”.