#حسام_حبيب: المخدرات سبب طلاقنا أنا و #شيرين

أكد الفنان حسام حبيب أنه كان على علم بإدمان النجمة شيرين عبد الوهاب منذ فترة وخيرها بين الاستمرار في الادمان او خضوعها للعلاج واستمرار زواجهما

قال حسام حبيب في أول رد له خلال مداخلة هاتفية مع الإعلامي عمرو أديب: “مليش علاقة بالموضوع وهو ده كان سبب خلافنا، خيرتها بيني وبين المخدرات، ولكنها ظلت في نفس الوسط، ورفضت السماع لنصيحتي وهذا سبب طلاقنا”.

وأضاف: بيقولوا إن أنا السبب في اللي شيرين فيه، يبقى المفروض إني ابقى زيها، أنا أهلي عندهم أكبر المستشفيات، هيسيبوني يعني كدة؟ أغلب مشكلاتي مع شيرين كانت بسبب أسلوب حياتها، وعندما ظهر الإدمان في حياتها، قلت لها يا أنا يا الحاجة دي.

وأكد حسام حبيب أنه سعى أثناء زواجهما لعلاج شيرين عبد الوهاب من الإدمان، وقال: “لكن منهم لله اللي خدوها دخلوها في سكة تانية أوحش، عشان كدة أنا كنت معترض ومش ممتلك زمام الأمور، مين يصاحبك ومين يدخل، فكان وجودي مالوش لازمة”.

واستكمل حسام حبيب: أنا مكنش لي علاقة بشيرين طيلة الشهور الماضية، فازاي هوصلها للمرحلة الثالثة من الإدمان في أيام؟ دا تأثير شهور أنا مافيش بيني وبينها تواصل، عشان الناس تفكر.

يذكر أن موقع “في الفن” كان قد انفرد بتفاصيل ايداع شيرين عبد الوهاب في مصحة نفسية من قبل عائلتها بالتنسيق مع الطبيب النفسي المشرف على علاجها من الإدمان.