#ياسمين_صبري: في مشاهد كنت أشوفها لنفسي أقول يا نهار أسود وساعات أقلب

كشفت الفنانة ياسمين صبري عن تصالحها مع نفسها وأخطائها.

وأوضحت ياسمين صبري في حوار مع الفنانة إسعاد يونس ببرنامج “صاحبة السعادة” أن الأخلاق هي أساس كل شيء جيد في الحياة.

وأضافت: “أنا من الناس اللي بعرف أضحك على نفسي، لو في حاجة بتضحك عملتها، اضحك كإني من برا، ما باخدش الأمور على صدري وأبقى قاعدة متأزمة، في مشاهد كنت أشوفها لنفسي أقول يا نهار أسود، وساعات أقلب، كارثة كارثة، وأكلم نفسي، دي وراها ثقة مش أنك بتكسري مجاديفك”.

وتابعت ياسمين صبري: “أنا عارفة جوايا إيه، زي اللي عملته في مسلسل طريقي، كنت في البدايات، هي دي طبيعتي، لما أمثل بطبيعتي، لما الورق يبقى حلو، لما المخرج يبقى حلو، لما الكاتب يبقى حلو، لما تبقي متناغمة مع زمايلك، أنا عشان عارفة اللي جوايا أعرف أضحك على نفسي”.

وأشارت إلى أن تصالحها مع نفسها هو ما يجعلها تذكر مسلسل “طريقي” تحديدا للإشادة بتمثيلها دونا عن باقي أعمالها، قائلة: “مش ده أنا برضه؟ إيه اللذاذة دي، رائع وسلسلة ومرحة كإني مش بمثل”.