#حورية_فرغلي عن قاتل #نيرة_أشرف: صعبان عليا لإنه مريض وكان بيحبها حب عبادة

كشفت الفنانة حورية فرغلي حقيقة تعاطفها مع محمد عادل، المتهم بقتل طالبة المنصورة نيرة أشرف في القضية الشهيرة.

وقالت حورية فرغلي في مقابلة مع تليفزيون عمّان: “أنا اتسألت إيه رأيك في موضوع نيرة، وقلت كانت ما شاء الله زي القمر ولها مستقبل في المودلينج، بس برضه زعلانة أوي على محمد عادل”.

وأضافت: “هو صعبان عليا لإن الولد ده مريض ومش طبيعي، وكان بيحبها حب عبادة، يا إما تكوني معايا أو تموتي، أنا ماقلتش كلمة تعاطف”.

وتابعت: “ليه أتكلم بشخصيتي العادية وحد يؤول كلامي، في حد عايز الناس تكرهني، ومتضايق إن ناس كتير واقفة جنبي وبتدعيلي”.