#ناهد_السباعي تحذر الفتيات من الرد بعنف على التحرش

حذرت الفنانة ناهد السباعي الفتيات من رد الفعل العنيف في مواجهة تعرضهن لحالات تحرش، الأمر الذي قد تكون له عواقب وخيمة.

وقالت ناهد السباعي خلال حوارها مع الإعلامي عمرو أديب ببرنامج “الحكاية” المذاع عبر قناة MBC مصر: “الناس بقت مريضة، وإحنا أحسن من زمان، والبنات دلوقتي ليها صوت وتقدر ترفع قواضي”.

وردا على سؤال ما نصيحتك لمن تتعرض لتحرش؟ قالت: “لا أنصح أي فتاة بأخذ رد فعل عنيف لحظتها، وبعد فيلم 678 زرت أكثر من جمعية ولقيت إن رد فعل المتحرش بيكون قوي، وفي واحدة في مول عملت رد فعل عنيف فضربها بمطواة في وشها”.

وأضافت: “لو واحدة تعرف تاخد حقها من غير أذى لنفسها تعمل كده، وتاخد حقها بالقانون أفضل، ودلوقتي التصوير والنشر على السوشيال ميديا بيجيب للبنت حقها”.

وتابعت: “فيلم 678 كان من أوائل الأفلام عن التحرش، قبل ما يكون في أي قضية تحرش في مصر”.