نجل #حميد_الشاعري يهاجم #حلمي_بكر: ما بيعملش حاجة فى حياته غير التقليل من الفنانين ومن أعمالهم

وجه الموزع الموسيقي نديم الشاعري، رسالة إلى الملحن حلمي بكر، بعد انتقاد الأخير لوالده الفنان حميد الشاعري.

وكتب نديم الشاعري رسالته إلى حلمي بكر في 4 نقاط عبر حسابه على Facebook، وهاجمه بشدة على انتقاداته المستمرة لحميد الشاعري طوال السنوات الماضية.

وقال الشاعري: “أستاذ حلمى لو محتاج مساعدة ماديا أو نفسيا الكابو -حميد الشاعري- مش حيتاخر عليك، لكن ما ينفعش كل ما تتزنق تروح برنامج تجيب سيرة حميد الشاعرى الى للأسف تاريخك ميجيش تمن تاريخه ولا فنيا ولا أخلاقيا للأسف”.

وأضاف: “٣٠ سنة من عمرى ما بيعملش حاجة فى حياته غير التقليل من الناس و من الفنانين و من أعمالهم”.

وتابع نديم الشاعري حديثه عن حلمي بكر: ” أوعى حضرتك تفتكر أنك محطوط فى خانة الإنسان المحنك، لا للأسف أنت عبرة لكل نفسية فاسدة منتهية الصلاحية فنيا وأخلاقيا. فرق التربية كبير أوى بينك وبين الكابو حتى فى الفكر الموسيقى والمعاملة مع الناس”.

وأردف: ” الكابو كبير مقامه ومش بيرد عليك عشان هو أكبر من كده، وأكبر منك بالذات، ودايما بيقولى ما تردش على حد. لكن ولاده كبروا و مش حيسمحوا أنك تقطع فى أبوهم”.

وتطرق نديم الشاعري إلى رأي حلمي بكر في موسيقى والده، قائلا: “هو حضرتك بجد فاكر أن حميد هو اللي وظ المزيكا فى مصر؟. المقسوم الى حضرتك بتتكلم عليه هو اللي واكل بقاله ٣٠ سنة مع كل الفنانين وهو سر الاستمرارية و النجاح ، مفيش البوم بينزل غير ومقسوم الكابو رانن فى الودن”.

وأوضح: ” لما مذيع صابغ شعره أبيض وفى اللفة يسألك سؤال زى ده، المفروض ردك يبقى تربوى قبل الفنى أنه ازاى يسأل السؤال بالطريقة دى لكن حضرتك كنت حتطير من الفرحة عشان السؤال فى تقليل للكابو، حاول يا أستاذ حلمى تكسب الناس عشان الدنيا فانية. متبقاش خسران السيرة الطيبة و كمان الناس”.

يذكر أن حميد الشاعري تحدث مؤخرا حول علاقته مع حلمي بكر، وقال إن الأخير ظل يهاجمه لمدة 10 سنوات، حتى جاء المنتج أحمد العريان ليقرر تنفيذ أوبريت “الحلم العربي”، ويجمع بينه وبين حلمي بكر، وهو ما رحب به حميد دون تردد.