#دينا_الشربيني: مفيش راجل بيتخطف إلا لو البنت ساعدته على كده

عبرت الفنانة دينا الشربيني عن استيائها من سرقة النساء لأزواج وأحباب صديقاتهن مشيرة إلى أنها شخصيا عانت من تلك الخيانات.

وخلال لقائها في برنامج ABtalks مع الإعلامي أنس بوخش قالت دينا الشربيني ” حاجة وحشة جدا انك تخطف راجل مرتبط بواحدة تانية لكن مفيش راجل بيتخطف إلا لو البنت ساعدته على كدا”.

وأضافت دينا الشربيني “أخطر حاجة في الموضوع، إنها بتكون عارفة كل حاجة عنه وبالتالي بيكون سهل بالنسبالها.. أنا مش عارفة ليه الرجالة مش كده زي الستات ودي حاجة مُهينة بالنسبة لينا، لكن مفيش واحدة بتسرق راجل، كله بييجي بمزاجه”.

وأشارت دينا الشربيني إلى أن هذا الأمر لم يؤثر على علاقتها بأصدقائها ومنحها الثقة لهن مضيفة ” أنا بثق في صحابي، واللي هتخذلني تاني، خلاص، هتطلع من حياتي وخلصنا، صاحبتي ممكن أتضايق عليها أكتر من أي شخص، لأن الصداقة أكتر من الأخوات.

وخلال اللقاء قالت دينا الشربيني إنها تعرضت للهجوم طيلة عامين من قبل الجمهور ونالت اتهامات بخطف رجل من زوجته وعائلته مع أن هذا الكلام غير صحيح.

وأضافت دينا الشربيني “اتهموني اني خطفت جوز واحدة تانية وصحابي قالولي اطلعي وضحي إنهم انفصلوا من سنين طويلة لكن قررت إني متكلمتش عشان دي مش حياتي لوحدي كانت حياة 3 أشخاص واحنا كنا أوكيه مع بعض أنا مش على راسي بطحة”.

أما عن حياتها العاطفية قالت دينا الشربيني إنها تؤمن بالحب من أول نظرة وأنها وقعت في الحب مرتين ولكنها تكرر الأخطاء في العلاقة.