#عمر_كمال لمنتقديه: الدكر فيكوا يجيلي أمريكا

رد الفنان عمر كمال على الانتقادات التي تعرض لها في أعقاب وقوع اشتباكات بين بعض الجمهور في حفله الأخير بأمريكا.

وخلال بث مباشر عبر حسابه على Facebook، قال عمر كمال “أنا ربنا كرمني وطلعت أمريكا بـ كام حفلة ودي إرادة ربنا، ومع ذلك الناس مش سايباني في حالي، وبقول لأي حد بيتكلم أنا عاوزك تبقى دكر وراجل روح خدلي ميعاد من السفارة الأمريكية وتعالى أمريكا”.

وتابع عمر كمال “أنا بقبض مبلغ وقدره الحمدلله وبطولي بايع 11 حفلة وعايز نجم في مجالي الشعبي ويعمل زيي هما بيشتغلوا حفلتين تلاتة وبيرجع بلده، واللي بيشتمني يجي ويوريني لأن اللي بياخد فيزا لأمريكا في الوقت دا بطل وباشا”.

أما فيما يتعلق باشتباكات حفله الأخير قال عمر كمال “حصل مشكلة في حفلتي الأخيرة لأن الناس مش قادرة تخش والقاعة بتشيل 500 أو 600 بالكتير والناس عايزة تخش والأمن منع واتخانقوا، وأنا مش بعمل حفلات في كافيهات ولا تحت بير السلم بعض المصريين كارهين أن حد زيي يطلع يعمل حفلات”.

من ناحية أخرى، طرح عمر كمال برومو أغنيته الجديدة، عبر حساباته الرسمية على مواقع التواصل الاجتماعي، وظهر مع عمر كمال البلوجر التركي الشهير كوكسال بابا، ليكون مفاجأة “كمال” لجمهوره في الأغنية الجديدة.