#حمو_بيكا: مش بعرف أقرا ولا أكتب.. وعاوز أكل عيش

أدلى مطرب المهرجانات حمو بيكا بعدة تصريحات في بث لايف عبر حسابه بموقع التواصل الاجتماعي Instgram كشف فيها استمرار معاناته بسبب عدم تمكنه من العمل داخل مصر وهو ما سنرصده في النقاط النقاط التالية..

– مش بعرف أقرا ولا أكتب والناس حبتني عشان قالوا عليا قلبي أبيض.

– انا مش شغال في بلدي أنا شغال برة مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي.

– جنسيتي مصرية ومش عارف اشتغل فيها وفيه أجانب وشغالين في بلدي.

– البلد فيها قانون وهاخد حقي من النقابة بالقانون وإزاي ناس النقابة قالت عليهم مزورة ومسجلة وخدوا الكارنيه بعد أسبوع أنا هكشف كل حاجة وبالقانون.

– كل واحد وقف في مستقبلي هقوله هشوف فيك يوم وفي أعز ما لديك عشان أنت دمرتلي حياتي ومستقبلي.

– اما أكشف ظلم النقابة لي وهاخد حقي مش عاوز أمسك مايك تاني أو أغني.

– حسبي الله ونعم الوكيل في كل واحد ظلمني ومش مسامح اي حد ظلمني.

– أنا جبل مش هيهزني ريح وواقف على أرض صلبة وربنا معايا اللي أحسن من أي حد.

– أنا عاوز أكل عيش انا مش بنام من التعب والتفكير.