#فيفي_عبده: نفسي أعمل قصة حياتي وأنا أحكيها بنفسي

كشفت النجمة فيفي عبده عن رغبتها في تجسيد قصة حياتها بنفسها في عمل فني، وذلك خلال حلولها ضيفة في برنامج “حبر سري” الذي تقدمه أسما إبراهيم، عبر قناة “القاهرة والناس”.

قالت فيفي عبده: “نفسي أعمل قصة حياتي وأنا أحكيها بنفسي زي ما أنا عشتها وحسيتها دون إضافات، زي أي إنسان بيعاني وبيتعب وبيلاقي ويتخدع، الإنسان بيمر بحاجات كتير”.

وتابعت: مشواري كان صعب أوي، وتعبت وساعات ببص لرجلي وأقولها تعبتي معايا، أنا حياتي كانت صعبة وأنا صغيرة، وبدأت من البداية خالص، وطلعت السلم واحدة واحدة وتعبت وعانيت وكنت فقيرة.

وأضافت: أنا كنت فقيرة وبعد كدة بقيت متيسرة وبقى عندي فلوس أعيش عيشة أحسن شوية، وعشت كل المراحل، واللي بيلاقي الحاجة على الساهل بتروح منه، الحياة فيها ظلم وخير، وناس بتساعدك وتتبطب عليكي وناس بتدوس عليكي، بس أنتي بتتعلمي من الحياة، وهي الدنيا كدا.

برنامج “حبر سري” تقديم الاعلامية أسما ابراهيم ويعرض علي شاشة القاهرة والناس كل خميس وجمعة الساعة 11 مساء.