أبرز تصريحات #ياسمين_صبري في “Abtalks”

تصدرت الفنانة ياسمين صبري “تريند” مؤشر البحث في جوجل عقب تصريحاتها الأخيرة في برنامج “Abtalks”.

وقالت ياسمين صبري خلال لقائها في برنامج “abtalks”، المعروض على يوتيوب: “جدتي وجدي اللي تبع مامتي هما اللي ربوني من طرف مامتي وجدتي ست شديدة، ومامتي كانت بطلة سباحة وخلوني أتدرب وألعب سباحة من وأنا عندي 4 سنين”.

وأضافت: “ماكنش عندي رفاهية الوقت وكان فيه شدة والتزام عليّ بالذات في الرياضة ولو مكسبتش ممكن أضرب بالشبشب عادي، وطفولتي أنا بحبها، وعلاقتي بأمي هي كل حاجة في حياتي هي سافرت وحصل انفصال من وأنا عندي سنتين، مشفتش غير جدي وجدتي تبع أمي وأمي”.

وتابعت ياسمين صبري: “مافيش علاقة بوالدي مش بسبب الانفصال، فيه ناس بتختار تكمل الطريق وتتحمل المسئولية وفيه ناس بتختار نفسها أو أيًا كان، وهو مش عشان الانفصال والانفصال مش معناه العيلة تتفكك بالعكس ده بيبقى اختيار”.