إصابة رامى رضوان بفيروس كورونا

أعلن الإعلامى رامى رضوان، عبر صفحته الشخصية على موقع فيسبوك، إصابته بفيروس كورونا منذ قليل.

وكتب رامى رضوان المذيع ببرنامج مساء DMC، منشورا قال فيه: “الحمد لله حمدا كثيرا.. تأكدت إصابتى بكورونا.. وكلها كام يوم ويبقى عندى أجسام مضادة وأمرع فى الأرض بإذن الله”.

وحذر رامى رضوان المختلطين به قائلا:” أنا بكتب عشان لو أى حد قابلنى الكام يوم اللى فاتوا ياخد باله.. لا داعي للقلق.. لو ظهر أى أعراض ساعتها إجراء الفحص هيكون ضرورى”.

وأكد رامى رضوان فى منشوره على التزامه بالإجراءات الاحترازية قائلا:” أنا ملتزم بالتباعد والكمامة.. إنما لجل الحق مش بنفس قدر الالتزام والحسوكة وقت الموجة الأولى.. ومعنديش أى فكرة جالى من مين وإزاى ابن اللئيمة ده”.

ونصح رامى رضوان متابعيه على حسابه قائلا:” بقول الكلام ده عشان كلكم تاخدوا بالكم.. كله يلتزم أكتر من الأول.. الأعداد بتزيد (الرسمى وغير الرسمى).. والتحذير من شهرى ديسمبر ويناير مش من فراغ.. خلوا بالكم من نفسكم وممن حولكم.. ربنا يسلمكم جميعا من أى شر”.