رد بسمة بوسيل على وصف تامر حسني لها بـ “المتهورة”

أنهت الفنانة المغربية بسمة بوسيل، حالة الجدل التي أثارتها بنشرها لأغنية « just Like Magic»، عقب رسالة زوجها تامر حسني الذي أعلن إنهاء الخلاف بينهما، ما جعل البعض يفسر الأمر بأنها تتجاهله.

وردت «بوسيل» على تامر حسني من خلال حسابها الرسمي بموقع «انستجرام»، مستخدمة خاصية القصص القصيرة، قائلة: «فعلا اتهورت بس عشان بحبك».

كانت «بوسيل» قد نشرت مقطع فيديو صوتي لأغنية للمطربة العالمية إريانا جراندي، تقول كلماتها:«أنني أحصل على كل ما أريد، لأنني أجذبه نحوي، وأنظر إلى هاتفي، لكنني لا أهتم، وأقرأ كتابا».

كان تامر حسني قد وجه لزوجته رسالة قال فيها: «أنا مش هزعل منك وأنا ضهرك وسندك مهما حصل، ويا ريت تركزي مع الناس اللي دعولنا ودعوا لولادنا، وشكرًا لكل الفنانين اللي سعوا للخير لينا».

وكتب تامر لها: «بسمة حبيبتي للأسف إنتي مفكرتيش كويس، وسلمتي ودنك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلى اللي عرفتيني وحبتيني بيها، إزاي وصلوكي للزعل والبعد فترة، المهم أنا مش هزعل منك ولا يرضيني زعلك، إنتي حبيبتي وأم ولادي، أنا ضهرك وسندك مهما حصل».

وأضاف: «بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم، وياريتها مشكلة أصلا، ربنا جعل ما بينا مودة ورحمة عشان كده للاسف إنتي عارفة إن فيه ناس في طبيعتهم حب خراب البيوت، ومش هنخلص منهم، بس إنتي اللي هتخلصي من فكرة إنك تسمعيهم مع إنك ماكنتيش كده».

وتابع: «يا ريتك تركزي مع طاقة الناس اللي دعولنا ودعوا لولادنا بكل خير، وفعلا أنا بشكر كل الناس الفنانين اللي سعوا في الخير لينا، وأنا واثق إنك دلوقتي زعلانة إنك كتبتي كده، هو تصرف متهور منك، بس ولا يهمك، مش عيب إن الإنسان يغلط ويتعلم، وأنا ياما علمتك ولسه هعلمك، كان نفسي الكلام ده يكون بينا، لكن إنتي أشركتي الجمهور الكريم، فكان لازم أرد هنا، بينا حب غالي وحياة كريمة وأولادنا وبيتنا أغلى ما فيها، ربنا يخلينا ليهم ويخليهم لينا، يارب متهورة بس بحبك».