القصة الكاملة لأزمة ابنة #أحمد_الفيشاوي

علّق الفنان أحمد الفيشاوي على قرار محكمة جنح مستئانف الدقي بجلسة اليوم، بإلغاء حكم حبسه لمدة سنة، والقضاء مجددا ببرائته في قضية امتناعه عن تنفيذ حكم النفقة لابنته.

نشر الفيشاوي عبر حسابه على Instagram، صورا جمعته بابنته في مراحل عمرية مختلفة، وعلّق كاتبا: “النهاردة هند الحناوي فشلت أنها تحبسني سنه بمعرفة بنتي لينا.. ده الوقت أني أقولكوا اللي حصل باختصار.. أنا بشوف لينا من وهي عندها ٣ سنين بعد ما المشاكل خلصت بيني وبين مامتها وبالتالي كنت بصرف علي أكلها، شربها، هدومها ومدرستها الكندية في مصر”.

تابع: “هند فهمتها عكس كده بس أنا عندي ما يثبت ذلك.. لما لينا تمت ١١ سنة هند اقترحت إننا نوديها مدرسة خاصة في لندن لتدريس الفنون من غناء، تمثيل، إخراج.. اإلخ. تحمست جدآ عشان كنت شايف فيها موهبة كبيرة.. قدمت في المدرسة ووافقت علي السفر، وأول ما هند وصلت ب لينا اإنجلترا نقلتها من المدرسة ومن لندن إلى كِنت ( Kent ) لمدرسة مش تخصصها الفنون، بمصاريف أقل بكتير، وحطت فلوس مدرسة بنتي في جيبها وأيضا عندي ما يثبت ذلك في الوقت المناسب”.

أضاف الفيشاوي: “أنا مش بلوم علي لينا علشان هي كذبوا عليها كتير وغالبا هي هتشوف الصور دي ويمكن تفتكر أني كنت موجود عشانها وبحبها ومازلت”.