بالفيديو.. #داليا_البحيري: موت بنتي كان رسالة من ربنا

قالت الفنانة داليا البحيري إنها سألت الله إن كان يعرفها من بين ملايين البشر وإن كان يحبها، فجائتها الإجابة ‏أنه يحبها ولكن في صورة درس قاسي وهو فقدانها لابنتها الأولى “خديجة” ووالد ابنتها “قسمت”.‏

أضافت داليا البحيري خلال حلولها ضيفة على برنامج “الستات ما يعرفوش يكدبوا” على قناة “cbc”، أن ‏حب الله تجسد لها في أكبرة صورة حين أخذ منها ابنتها برغم قسوة الحدث، مشيرة إلى أنها لو لم تتوفى كانت ‏لتتعب في حياتها كما كانت داليا ستتعب معها أيضًا.‏

تابعت البحيري: “حسيت إن ربنا أخدها عشان هي ترتاح، وعشان أنا كمان أقدر أقف على رجلي وهي تبقى ‏في مكان أحسن، لأني كنت هتألم في كل مرة بشوفها وبشوف صحابها، لأن هي ما كانتش هتعيش حياة طبيعية، ‏الواحد بيعمل اللي يقدر عليه بس مهما عملتي بيبقى في حاجات أكبر منك”.‏

استطردت داليا البحيري: “ربنا عوضني بقسمت الحمد لله ربنا يخليها ويحفظها، كل دقيقة معاها كنت بحس بيها ‏مضاعفة أكتر من أي أم مخلفة طفل طبيعي، كان إحساسي بيها أقوى إن هي كويسة، كنت بحس أد إيه دي ‏نعمة من ربنا سبحانه وتعالى”. ‏

يشار إلى أن داليا البحيري تشارك حاليا في تصوير مسلسل “فالنتينو” المقرر عرضه رمضان المقبل، وهو من ‏بطولة عادل إمام، ودلال عبد العزيز، وعمرو وهبة، ورانيا محمود ياسين، وبدرية طلبة، وهدى المفتي، ‏وسليمان عيد، وحمدي الميرغني، وعدد كبير من الوجوه الجديدة، وتأليف أيمن بهجت قمر، وإخراج رامي ‏إمام. ‏