في العالم الماسخه جنايزُه

فى العالم الماسخه جنايزُهبأحب أقول اللى ( أنا ) عايزُهخلىك بقى أنت أحسبها وموتفى مؤكّدُه ونُصّين جايزُه
فى مؤكّدُه ونصين يِمكِنيلقى الوجود ساعته بتركِنويقول لسكّانه الخايفينمن الزمن خدوا كام جِركِن
من الزمن خدوا كام برميليا مونتجومرى إزىّ روميل ؟يعنى اللغم شق العلمينورِجُله مصرورة ف منديل
ورجُله خشبة ورِجل مفيشمُقلة زمن طارت ف الهِيشيدبِى على الرمل الحلزونويطل ع المساكين م الشيش
ويطل ع المساكين عصراًما يهمهوش ألْحَد ، نَصْرنولَا رفع راية الصحراءأو عاش زماااااااااان أو يتعصرن
أو عاش زمااان على راس البيرولّا استحمى ف بنك أميرأو كان جناح مع غاندى ارتاحوالدم ما استناس كشمير
والدم ما استناس سايجونوبقى الغرام كله ف دايجونلو قلبى راح على آسيا وطافيا صحابى أوعوا تتضايقون
يا صحابى أوعوا البر براحوللزمن شجره الطرّاحومرة حادق ، مرة لطيفومرة أحزان على أفراح
مرة جَمل وساعات صِفّينوالموت بيزعق ع الصفينولو الميدان واضح وأبو مينهيتكتب برضه بوصفين
هيتكتب برضه بحِكْماتأصله المعالم حِبرها ماتوالدم عمره لا كان ولا سالوتمرر الصلح الحكومات
وتمرر الصلح الموازينبين التكاتك والليموزينو ( يا بنت يا اللى حمامك طار )لو اكتفيتِ الناس عايزين
عايزين حمام منتوف مكتوفومن الـ تى فى طل الحنتوفوصب كوسوفو ف صحن صومالوسابك إنتَ تبص تشوف
وسابك إنتَ تبص بعييييييدوراح يلت يزيد ويعيييييييييدصدر المذيعة يمام ف الطاقشغلنى واللهْ عن التحديد
شغلنى واللهْ عن القِصةبيلخبطوا منا الرَّصةلما المراسلة من التفجيراتبعزقت منها القُصّة
اتبعزقت منها ومالتيعنى لا سكتت ولا قالتطول عمرها القنوات بتقولوعيار زمن على طول فالت
فالت عياره أبو الأياممن يوم ما شم حلاله حراموشال صليبه وشرب الكاسدم المسيح ف قصارى رخام
دم المسيح ف قصارى الزرعبلكونتى فيها إطناشر فرعوالدرس ضاع بين سوس وضْباعفى زحمة المزازيك والشرع
فى زحمة المزازيك مماليكشرّفت يعنى جناب معاليكشربوش على الراس الفضيانو الفرخة تتحرش بالديك
والفرخة تتحرش تحاريشوعُهرها سد النخاشيشوالدم يزعق : يا ولداهعلى رملك الولعان يا عريش
على رملك الولعان سينايمكن ف يوم يتمر فينامش بس يعنى القصة حروبتاخد الزمن وتخلّينا
تاخد زمانّا المش فاهمطب ليه زمانهم متفاهمياروح دمشق فداك الروحفى هجمة الفُجر الداهم
فى هجمة الفجر العايزيبقى مع الأيام جايزويروح وطن أربع تربعوالخاين المشبوه فايز
فى العالم الماسخه جنايزُهبأحب أقول اللى ( أنا ) عايزُهخلىك بقى أنت أحسبها وموتفى مؤكّدُه ونُصّين جايزُه
لسه الكلام ومالوش آخرما بين دموع قلبه الساخرواللى على البر يقول لك :امتى الزمن عمره إتّاخر ؟ّ