مسلم مسيحي (قصيدة)

مسلم مسيحى ايدة واحدة فى الفرح والشدة والضيق

مسلم مسيحى ايدة واحدة ماشيين ع الطريق

محدش فى يوم هايقدر يخلى كل واحد فينا فصيل وفريق

دا بينهم تاريخ قديم مجيد وعريق

ياللى عاوز تزرع بينهم فتنة وتقوم حريق

دا طول عمر المسلم للمسيحى أخ وصديق

مسلم مسيحى واقفين لك يامصر فى الشدة سند وكبيـــــــــــــر

السماحة يامحروسة عنوانهم وتاريخهم يروى الكتيـــــــــــر

رافعين فيكى علمك وتنقطع ايد اللى يرفع علم الغير

احمر وابيض واسود ونسر عمره مايسيبك وياخد بعضه ويطير

مسلم مسيحى اتولدوا من جديد فى ميدان التحرير

بعد مهانة سنين مرض و فقر وجهل و عيش مرير

عرفوا ان ليهم عزة وكرامة ورفضوا يعيشوا تحت ذل ونير

وقاموا يكللوكى يامحروسة بتاج الحرية ويلبسوك التوب الحرير

مسلم مسيحى دشنوا توبك يامصر بدم الشهيد

كانوا عاوزين المسلم يبقى عن المسيحى غريب وبعيد

فوقى بقى يامصر وخشى بينا بقى عصر جديد

عصر فيه ابنك واخد مكانته مبسوط فرحان وسعيــــــــــــد

وترجع مكانتك بين الامم وده املى فيكى اكيـــــــــــــــــد