جهاز مدينة العاشر من رمضان يكشف سر الرمال المعجزة

اكتشف بعض الأهالي بجوار مدينة العاشر من رمضان مكان يحتوي على رمال وصفوها بالـ«معجزة» لأنها تفوح منها رائحة المسك والعنبر، حتى باتت مقصدًا لعشرات الأهالي فضلًا عن الدجالين والسحرة.

القصة تداولها شباب من مدينة العاشر من رمضان ونشروا صور لإقبال عشرات الأهالي وهم يتبركون بهذه الرمال ويأخذون منها لكسب البركة وتحقيق الأحلام.

وكتب أحد شباب العاشر على صفحته عبر موقع التواصل الاجتماعي «فيس بوك» :« المكان ده جنب مدينة العاشر من رمضان الرملة بتاعته ريحتها جميله والناس بتقول ريحة مسك وعنبر ومكان بركه من عند ربنا».

وتابع «: زي ما انتو شايفين كده الناس بدأو يعبوا الرملة وياخدوها ناس بتقول دا بول حصان البحر وناس تقول ده نيزك نزل من السما في المكان ده وانتشر قصص معجزات الرمله دي».

ومضى بالقول :« بدأ يتردد ع المكان العاقر اللي عاوزه تخلف والعانس اللي عاوزه تتجوز واللي عنده مرض مزمن ملوش علاج.. والدجالين والمشعوذين جم عبوا الرملة عشان يضحكوا بيها ع الناس والجرام بيتباع ب 100جنيه».

وأضاف أن جهاز المدينة كشف سر هذه الرمال قائلًا :« المعجزة انتشرت ووصلت لجهاز المدينة اللي اتحرك و أخدوا عينه من الرملة وحللوها وطلع إن فيه مصنع شامبو قريب من المكان وبيرمي مخلفاته في الأرض والرملة طبعًا شربت الشامبو وبقت رمله بنكهة هيدنشولدز».

واختتم قائلً :« احنا شعب جاهل واللي يتعمل فينا حلال».