نائب: بنتي كانت بتحب الجبن المصنوع من لبن الحمير.. ومفيش ضرر من لحمها!

قال النائب رفعت داغر، عضو لجنة الزراعة بمجلس النواب، تعليقًا على ضبط حمير مذبوحة بمحافظة المنوفية، “فيه ناس معدومة الضماير، ووصل بيهم الأمر لبيع لحوم الحمير للمواطنين”.

وتابع: “عندى بنتى كانت بتحب الجبن المستورد، قولت لها ده مصنوع من لبن الحمير بطلت تاكله دلوقتى، لكن من الناحية الصحية مفيش أضرار من تناول لحوم الحمير، لكن هناك أضرار نفسية، وده أقوى من الضرر الصحى، أما فى الغرب يتم استخدم لبن الحمار والحصان فى صناعة الجبن”.

وأضاف: “فى الغرب المواطنين بياكلوا لحوم الحمير عادى، وقرأت فى بحث علمى أن أحسن الألبان هو لبن الحمير، وثبت أنه بيقلل الكوليسترول، ومشابه للبن الأم فى الشهور الأولى من الولادة، وكمان بيستخدم فى صناعة الجبن المستورد، لكننا فى مصر بنشمئز منه، والناس مش متعودة على كده”.