من القلب، ببساطة

محدش بيشيل روحه على كفوفه ، وبيواجه المخاطر علشان يحميك وانت نايم مرتاح وسط ناسك ، إلا لو بحد بيحبك ، أما عن احترامك له ولقيمته في حياتك وحياة أولادك ،ده مش مسح جوخ ولا تقبيل أقدام ،رغم كل استحقاقه لتقبيل رأسه وجبينه والتراب اللي ارتوت الأرض بالدم اللي نزف منه في يوم .
أبداً مش عيب ولا خطيئة إني أقدر إنسان بيقدرني، مش عيب ولا خطيئة إني أعبر عن دعمي له، مش عيب ولا خطيئة إنه يطلب مني إني أواجه العالم كله وأقول إني واثق في شجاعة حارس بيتي وحياتي، وإني أطبطب عليه وأقوله اطمن ، أنا مطمن وعارف إنك في ظهري.
تحياتي واحترامي واعتزازي لكل جندي في مصر ،وفي عيلتي ،ولرجال القوات المسلحة المصرية البواسل .
في ذكرى استشهاد جنودنا المصريين يوم 17رمضان برفح/سيناء .
 
26يوليو 2013