«سما المصري»: الناس اتعودت مني على قلة الأدب

قالت الفنانة الاستعراضية سما المصري، في تصريحات صحفية بعد سرقة حسابها الرسمي على موقع “انستجرام”، أن: “بمناسبه ان في ناس كتير ومواقع ملهاش 30 لازمه شتمتني لما الانستجرام القديم اتسرق مني احب اقولهم لو حسابي اتقفل انستجرام هفتح 100 غيره ومش انا اللي الانستجرام هيوصلني بالناس.. الناس بتعرف ازاي توصلي وانا كمان بعرف ازاي اوصلهم، واللي شايف اني باقدم حاجات اوفر مايدخلش عندي لانه ممكن يشوف حاجات اوفر اكتر من اللي شافه قبل كدا (دا من وجه نظره طبعًا) لكن انا اللي باعمله عادي والصراصير اللي في دماغ بعض الناس هي اللي بتوصلهم للحاله دي”.

وبسؤالها عن أسباب جرأتها في طرح الصور والكليبات بهذا الشكل قالت ضاحكة الناس اتعودت مني خلاص على قلة الأدب، ولو هنتكلم جد بقي أنا مابقدمش حاجه عيب انا كدا وواضحة جدًا، وماعنديش حاجه اخبيها واللي مش عاجبه صوري أي حيطة ويخبط دماغه فيها.