«ميرهان حسين» لوالدتها: آسفة أني مش قادرة احققلك فرحتك

وجهت الفنانة ميرهان حسين، رسالة إلى والدتها في عيد الأم، عبر حسابها الرسمي على موقع “انستجرام”، قالت فيها: “أمى… النهاردة أنا عايزة أقولك كلمة واحدة… آسفة..أنا آسفة إنى السبب فى حزنك اللى بتخبيه عشان أنا ماكنش حزينة… آسفة إنى اخترت طريق كان السبب إنه يسمح لناس تجرح و تظلم و تتهم و تحكم و أعوذ بالله من حكم النفس على النفس.. آسفة بالنيابة عن كل إنسان و بعيدها تانى (إنسان) حكم على رد فعل و قرر إنه فعل و جرح مشاعرك بسببى ..”.

وأضافت: “آسفة إنى مش قادرة احققلك فرحتك يا أمى ورغم كل ده بتقولى إن أنا فرحتك… انتى اللى فرحتى و راحة قلبى و نفسى… انتى الحب الحقيقى و الأمان و الحياة… من غيرك مفيش حب مفيش حياة.. ربنا يخليكى ليا لآخر يوم فى عمرى و يقدرنى أسعد قلبك ربع ما بتسعدينا كلنا… كل سنة وانتى نور حياتى يا حياتى”.