فن
بالفيديو.. مشاجرة ميرهان حسين مع الضباط.. و«مساعتدها»: بنت هتضرب راجلين؟
نشرت نانيس مختار، مساعدة الفنانة ميرهان حسين، صورًا لها تظهر حالة من الاعتداء عليها في ذراعها ووجهها، وأدلت بكل التفاصيل التي حدثت في كمين الهرم.
وكتبت «مختار» عبر صفحتها بـ«فيس بوك»: «لما واحدة تتشتم وتنضرب وتتهان ويتقص الفيديو، وينزل رد فعلها بس لما غلس عليها بأسلوب (وحشي) لا داعي لذكره، يقوم يتقلب الحال والوضع ويتعمل لها محضر إن هي اللي ضربتهم، بنت هتضرب راجلين، المفروض هما اللي يدافعوا عنها لكن لما ترفض الإهانه يتلفق لها كذب وتضليل»، حسب تعبيرها.
وأضافت: «الموضوع بكل وضوح وصدق، ميرهان حسين راجعة من التصوير الفجر ومعاها المساعدة، وقفت في لجنه في الهرم ،الضابط غلس عليها بـ….، فوتته له مرة واتنين، زادت الـ….. ردت عليه علشان احترامها لنفسها ولكرامتها ولأهلها، اتعدى عليها هو والأمين، وخطف الموبايل وهيا بتكلم الفنان خالد الصاوي علشان تحكيله ولسه بتحكي وهيا منهارة اتخطف منها الموبايل وهو بيسألها قسم إيه، سمع رد الضابط برده الـ…. (اسم النبي حارسك)».
وتابعت: «الخلاصة اتعمل محضر ليها بالتزوير إنها اتعدت على الضابط، شوف إزاي يا جدع ميرهان هيا اللي اتعدت عليهم، زي كده لما النمله بتدوس على الفيل بالضبط».
وواصلت: «نقيب الممثلين أشرف زكي راح والصحافة والدنيا مقلوبة، والقسم رفض يعملوا محضر إثبات التعدي من الضابط والأمين على ميرهان والمساعده، وهتثبت اللي حصل لها في النيابة وفي شهود على كده».
واستكملت: «أجبرها تنزل من العربية بالعافية ورمالها هدوم التصوير في الشارع، استفزاز جدًا وماعرفناش طريقها إﻻ الساعة 8 الصبح وهما حابسنها من 2 بالليل ويقولك دة معاه شهود وهى ﻻء».
