عين ع الإعلام
شاهد..أول تعليق من “ريهام سعيد” على حكم حبسها
علقت الإعلامية ريهام سعيد، على حكم حبسها سنة ونصف، قائلة: “النهاردة بلدي كرمتني.. بعد 13 سنة بعالج كل الناس وبخدم كل اللي حواليه، بعد 12 سنة فتحت مدرسة لذوي الاحتياجات الخاصة وعالجت آلاف الأطفال بفضل الله، مانمتش وماكلتش حتى فلوس والله ما أخدت.. ضيعت عمري عشان أعمل حاجة للبلد دي، ضيعت حلم التمثيل اللي تعبت في الجامعة فيه عشان ماسيبش الناس الغلابة”.
وتابعت “كل الناس اللي بتغلط وتشتم وتشهر بجد نجوم دلوقتي! المحامي بيقولي ده أمر من فوق.. فوق فين؟ كنت بقول (تحيا مصر) ويحيا العدل فين العدل؟.. ريهام سعيد مجرمة لكن مرتضى مثلا عمره ما شهّر بحد.. خسارة يا بلدي، خسارة مجهودي.. خسارة يا مصر”.
وكانت محكمة جنح قسم الجيزة المنعقدة بمحكمة الجيزة الابتدائية، برئاسة المستشار مختار البديوى، أصدرت حكما بحبس الإعلامية ريهام سعيد، فى القضية المعروفة إعلاميا بـ”فتاة المول”، 18 شهرا وغرامة 10 آلاف جنيها بتهمتى التشهير والسب.
