رسالة الى من لايهمه الأمـر

بَنزين .. وَلَّــعْ سـُـكَّرْ .. وّلَّــعْ رزُ ُ .. وَلَّــعْ عَدْسُ ُ .. بَصَل ُ .. فـُـولُ .. عّسَلُ ُ : كُلُّه موَلَّــعْ لَحْم الجِيفَة .. أصْبَحْ نيفة ؛ وِاحنَا بنَاكُلْ .. قَلبِنَــا وَلَّعْ حَتَّى الخّشَب اللى اسمُه ( سَجَايرْ ) .. هِىَّ بتِطفى وسعْرَهَا وَلَّعْ ؛ حَتَّى ( المَيَّة ) الِّلى بِنشْرَبْهَا عَشَان مَانْبَلَّــعْ ؛ هَارْيَة الِكبْد وهَارْيَة المِعْدَة ، وفْ كَلاوينَــا .. فَــَشَلُ ُ وَلَّعْ !! وَلَّــــعْ .. وَلَّـــعْ .. وّلَّــــعْ .. وّلَّـــع سَرْطَنْ .. فَيْرَسْ .. بَسْ رَجَاءً : مَاتْخَلِّيش الــدَّوا .. يِتْوّلَّـعْ ايه حَ يفيدنَا .. أو (حَ ) يفيدكْ .. لمَّا تولَّـع !! مُشْ ( حَ ) تلاقى صفُوف ِتهتفْ لَكْ .. لَمَّا تجَوَّعْ !! أو (حَ ) تلاقى كفُوف بتشيلكْ .. لمَّا تودَّع!! رَاح نِتْلاشَى ونبْقى يادُوبَكْ .. صَفحَة فْ عُمْر زَمَان مِتْمَـــوَّعْ !! وَلَّــــعْ .. وَلَّــــعْ ..وّلَّــــعْ .. وَلَّــــعْ *** دُوس ِبالعَسْكَرْ فُوُق رَقَابينَا .. خَـــوِّفْ .. هَلَّــعْ بِيـع مَصَانِعْنَا .. ِبيـع مَزَارعْنَا اعمِلْ مِن مَوَاسير مَدَافِعْنَا .. فيدْيُو منَــوَّعْ احْبسْ كُل شبَابـْـنا وصَـوَّعْ طَبَّق كُل القَهْر ونَـــوَّعْ ، واحنا بدُورْنَا : رَاح نتطــوَّعْ نمْسكْ عُود كَبْريت ونوَلَّــعْ وِنْغَنـــِّى لكْ غِنوَة تلَعْــلّـعُ : وَلَّـــعْ .. وَلَّـــعْ .. وّلَّـــعْ .. وَلَّـــعْ حُطْ ف بَالَكْ : نَيْرُون .. وَلَّـــعْ هِتْلــــَرْ .. وَلَّـــعْ و .. فارُوق .. وّلَّـــعْ بَس ْ تاِريخهُم ْ.. ضَاع واتْوَلَّـــعْ وَلَّـــعْ .. وَلَّـــعْ .. وَلَّـــعْ .. وَلَّــــعْ *** وانت يامَصْرى .. تُوبَكْ مَلَّـعْ انتَ بتزْرّع .. غيركْ قّلَّـعْ لَمْ ( الغَــلَّة ) وخَدْ مَلايينَّا .. وفّكْ وقّلَّــعْ وانْتَ مّاتُمْلُكْ ِغـيـــــِر تِرْفَـعْ ايدَكْ تِدْعِى .. أو تِتْوَجَّعْ وَامَّا تقُوم ِمِ النــُّوم مِتْفَــزَّعْ .. فوُق صَفحَات ( جَرَانين ) مَنْسِيَّة : اكْتِبْ .. بَعْبَعْ قُــول أشْعَاركْ .. بَــرَّدْ نَارَكْ .. مَاانْتَ فْ ( مَالْطَة ) أكيد .. بتبَعْبَـعْ !! خُدْهَا نَصِيحَة : تِقْبَلْ .. تُرفُضْ .. ( يـَاكْـــش ) توَلَّــعْ عَايزْ أقول لك عَلَشان تِنسَى : هَاتْ لكْ وَرقِة ( بَانجُو ) ووَلَّـعْ ؛ وارقُصْ بَلدِى .. وارْقُصْ ( تَانْجُو ) .. وِانتَ موَلَّـعْ ِواسْطِـلْ رَاسَكْ .. ِوانتَ موَلَّـعْ غَيــِّبْ فى الأوْهَام احْسَاسَكْ .. وِانتَ موَلَّـعْ واحْلَمْ ان حَوَارِى القَهْر .. زَمَانْها موَدَّعْ ِواحْلمْ ان رصَاص العَسْكَرْ.. زَى السُّكَّر بَسْ مْوَلَّـعْ واحْلَمْ .. ان خيُوط الفَجْر ِبدال مَاتْنَـوَّرْ .. لأ .. ( حَ ) توَلــع *** احْلَمْ واحْلَمْ .. حِلْم موَلَّــعْ عَلَمَكْ .. يُرْفَــعْ صُوتَكْ .. يُسْمَـــعْ بَسْ أكيداً .. مُش عَلَى طُوُل الشَّعْب بيُخْدَعْ نَار الظُّلم ضَرُورى ح َ تطِفِى .. مَهْمَا توَلَّـعْ مَهْمَا تضِيق زَنَازِين العَسْكَرْ .. وَالَّلا توَلَّعْ خَلِّلى تَمَلِّلى .. ِحلْمَكْ أوْسَعْ ابْعَتْ مِنْ حَوَارِيك بَرَاكينَكْ .. ثَوْرَة توَلَّعْ خَلِّلى يَقينَكْ .. نَار بتوَلَّعْ أيًا كَان ( الطَّاغِى ) موَلَّعْ .. لازِمْ يُخْلَــع ْ!! لازِمْ يُخْلّــعْ !! لازِمْ يُخْلّــعْ !! ***
صرخة فى الهوا رصد وتصوير/حسنين السيد حسنين القاهرة : مارس 2008