واعتذرت إدارة «mbc مصر» في بيان أدخلت أسماء جميع مسرحيات مسرح مصر فيه قائلة: «منقدرش على زعلكم.. ولأن فيه هيصة حصلت وحسيتوا أنكم واقفين في طابور عرض بسبب الإعادات بس عارفين أن قلبكم أبيض وهاتدونا فرصة تانية علشان كامل اللى زعل هنرجع ضحكه ونرفع شعار كامل ابتسم علشان إحنا مش بنبخل عليكم أبدًا.. مالناش في الجو ده زي ناس البخل عندهم صنعة ولابناخد حبوب هلوسة ولأن في ناس عملت شغل قرود ولكل اللى بيكهرونا هنخليهم يقولوا أنا إيه اللى جابني هنا.. بنقولكم جهزوا نفسكم كل جمعة وادخلوا على صفحات التواصل الاجتماعي لـ mbc هتلاقوا عرض جديد من مسرح مصر الساعة 8 مساءً».
ونشر نجم الكوميديا الصاعد حمدي ميرغني على صفحته الرسمية عبر موقع التواصل الاجتماعي «فيس بوك»، نص اعتذار إدارة «mbc مصر».
كانت حالة من الغضب انتابت جمهور “مسرح مصر” بسبب إصرار قناة “إم بي سي”، على إعادة عدد من العروض القديمة على مدى الأسابيع الماضية.
ودشن عدد من النشطاء عبر مواقع التواصل الاجتماعي، هاشتاجا للتهديد بمقاطعة العروض المسرحية لـ”مسرح مصر”، بعدما فوجئوا أول أمس الجمعة، بإعادة عمل قديم بعنوان “حبوب هلوسة”.
يحمل الهاشتاج اسم “عرض جديد كل أسبوع أو مقاطعة طول الأسبوع”، وتم نشر الهاشتاج على صفحة “مسرح مصر” بموقع التواصل الاجتماعي، وأيضا على صفحة “إم بي سي مصر”، كما هدد بعضهم بمسح القناة من على الريسيفر.
تجدر الإشارة إلى أن فريق “مسرح مصر” أعلن عبر صفحته بموقع “إنستجرام”، أنه سيتم إعادة عرض مسرحية قديمة للفرقة على قناة “إم بى سى مصر”، مشيرين إلى أن ذلك خارج إرادتهم.
وقال الفريق: “إم بى سى” هتعيد مسرحية قديمة ودى حاجة خارج إرادتنا كمسرح مصر، إحنا انتهينا من تصوير 14 مسرحية، وهما عرضوا 10 مسرحيات وعندهم 4 مسرحيات جاهزين للعرض هما “سوبر ماركت، تواصل اجتماعى، آخر شحاتة، ألف نيلة”، والناس اللى زعلانين مننا بجد موضوع الإذاعة مش إحنا المتحكمين فيه وهما عندهم أسباب للإعادة إحنا مش عارفينها لكنهم وعدونا الجمعة الجاية هايعرضوا جديد”.
