أحمد حلمي: أنا ما أعتذرتش عن «تراب الماس»

وكتب حلمي، في تدوينة له: “أنا ماعتذرتش عن فيلم تراب الماس.. الحقيقة أنا كتبت البوست ده لأني لقيت ناس كتير جدا بيسآلوني على الصفحة هنا وفي أماكن تانية إن هو أنا ليه اعتذرت عن (تراب الماس)؟؟”.

وأضاف: “أولا وقبل أي حاجة، أحب أقولكم شكرا جزيلا على اهتمامكم بجد.. بس أنا فعلا ماعتذرتش.. والحقيقة أنا سمعت زيكوا كده بالظبط إني اعتذرت.. إلا إذا بقى كان في واحد شبهي بالظبط وراح اعتذر بدالي وأنا معرفش”.

وتابع: “وعموما لو عرفت حاجة جديدة سأوافيكم بالأخبار.. شكرا والسلام عليكم.. وبشكركم مرة تانية وتالتة ومليون”.

“تراب الماس”، هي ثاني روايات الكاتب أحمد مراد، والتي اصدرتها دار الشروق عام 2010 بعد نجاح روايته الأولى فيرتيجو التي اصدرتها أيضا نفس الدار عام 2007، و حققت رواية “تراب الماس” نجاحا أكبر من سابقتها، ومن المنتظر أن تتحول لفيلم سينمائي، بعد النجاح الذي حققه فيلم “الفيل الأزرق”، الذي تم عرضه في 2014، من إخراج مروان حامد، وهو الفيلم المأخوذ عن رواية تحمل نفس الاسم، وحققت أعلى مبيعات في 2013.