الفيس … ورا كل باب

شايفك قاعدة ع الشات ليل نهار … مفيش بيت ولا شغل ولاجوز ولا عيال بس قمر والله !!!أعمل إية يأخويا … الراجل مهدود حيلة فى الشارع طول النهار ..وفارش بكوزين درة تحت الكوبرى !!!والعيال كل واحد منهم مشغول بالصياعة ف الشوارع وسايبين المذاكرة وقاعدين ف التحرير وكل ما أكلمهم يقولوا أهى بترزق والسلام وع الأقل أحسن من العدس والفول طول الأسبوع اللى ف البيت !!!والبت اللى حيلتى يوماتى تروح مدرسة الرقص !!!آل إية يأخويا عايزة تشتغل ف قناة التت !!!المهم !!! إنت عامل إية ياسبعى !!!صورتك مكبراك قوى يأخويا ماشاء الله طول بعرض وأكيد عندك شقة وعربية زى ما قلت للناس ع الفيس وكلك فلوس باين عليك والله أنا خالتى داعيالى …عشان أمى كانت مشغولة شوية !!!إنما إية حكاية دقنك دى !!!أونطة يعنى !!!ياولية إتمسى ولا إصطبحى دى أسرار الشغل والبزنس إنت ناوية تودينا ف داهية بقى !!!المهم دول بتوع الحزب موصينا كلنا بالدقن وصلاة الجمعة ف الجامع الكبير موش ف الزوايا الصغيرة اللى بتقلب صلاة الجمعة ف خمس دقايق …عشان الناس تشوفنا كويس وتعرف إننا بتوع ربونا بجد !!!وكمان عشان الشغل مايوقفش الإخوان ورا كل باب وفى كل مصلحة حكومية أو دينية أو إعلامية !!!خلاص البلد إتخونت والسلام !!!وخلينا فى المهم ممكن تظبطى الصورة عشان أشوفك كويس عشان خلاص !!!سمعينى صوتك يا قمر وخلينا نخلص !!!لا يا حلو نتقابل الأول ونشوف هتوزن بكام …ولا إنت ناوى تخليها ع الهوا بس !!!لا ياقمر … هنتقابل الجمعة بعد الصلا ولابس الجلابية إياها والعباية قدام الجامع ف العباسية والعربية بيضا بيضا بإذن الله مرسيدس وكلة ع السنة والشرع !!!متفقين يا قمر !!!متفقين ياسبعى !!!يااااااااااااااااااااة …خلاص