“مي كساب” تكشف سبب إغلاق صفحاتها على مواقع التواصل

مي، قالت في بيان نشرته عبر صفحتها الشخصية بموقع “فيس بوك”: “أنا قررت أقفل أي أكونت لي على أي سوشيال ميديا؛ لأن إحنا شعوب ما بنحترمش بعض ولا عندنا أدمية ولا إنسانية ولا دين ولا أخلاق فعلًا مسلمين بلا إسلام وكل واحد عامل نفسه قاضي ومش فاهمين ولا بنقدر يعني إيه فنان ولا يعني إيه احترام”.

وأضافت: “كل واحد فاكر لما يكتب كومنت إنه كده بني آدام يعني وليه شخصية ورأي، بجد زهقت من كتر ما بمسح كلام عقيم مريض مش بلاقي مبرر أصلًا، أنت مش بتحب فنان داخل عامله فولوا ليه عشان تطلع أمراضك أنت كده راجل يعني وانتي كده واحدة يعني ليكي قيمة”.

وتابعت: “أنا تعبت بجد نفسيتي بتتعب لما بشوف الأشكال دي بأحس إني عايشة في مجتمع مريض مجتمع معوق بكابورت وطفح في وشنا وأنا مش هاصلح الكون ومش بعرف أبقى حد بارد، في نهاية كلامي أحب أقول إني في قلة محترمين آدميين حبيتهم جدًا من خلال كلامهم الرقيق اللي كان بيأثر فيا بجد ودول هيوحشوني بس عاوزاهم يسامحوني إحنا مش في المدينة الفاضلة”.