عين ع الإعلام
ابن اخت أبو العينين.. «دكتور تغذية» يبتز ضحاياه بصور عارية
انتشر على موقع التواصل الاجتماعي “فيس بوك”، منشور بعنوان “#رساله_من_أم_لكل_أولادها_وأخواتها” كتبته والدة إحدى ضحايا الدكتور حاتم نعمان، ابن اخت رجل الأعمال المعروف محمد أبو العينين، وهو طبيب تغذية، وصاحب عيادة بمدينة السادس من أكتوبر.
وقالت السيدة في التدوينة:
حسبي الله ونعم الوكيل
لـو بتخاف على أختك او أمك أو بنتك أنشرها
لو عندك نخوة وشرف وبتخاف على بنات بلدك وسائر بنات المسلمين
خلى البوست ده يلف الفيس بوك كله ويوصل لكل بيت في مصر لحد ما يتكشف و يبقى رأي عام.
اسم صاحب الصوره : #حاتم_نعمان
الصفه : ابن أخت رجل الاعمال (#محمد_ابو_العينين)
المهنه : المفروض (طبيب) لعلاج السمنه والتغذيه العلاجيه
العنوان : مدينة #6_اكتوبر – المنطقه السياحيه السادسه – فيلا 79 -أمام مول العرب بوابه 3 التهمه:-
هذا الدكتور الـ (مش) محترم واللي معندوش أي نخوه او رجوله أو ضمير أو اي صله لشرف مهنة الطب بيستغل مركزه الضخم اللي من خلاله بيصور السيدات والآنسات المرضى واللي بيروحو يتعالجو عنده في اوضاع غير لائقه وبدون ملابس في غرفة #العلاج_الطبيعي و #الساونا والاستيم والبخار وفي جلسات #المساج من خلال كاميرات المراقبه اللي مترشقه في كل خرم في العياده وبعد كده بيستغل الفيديوهات دي في ابتزاز بنات الناس المحترمه عشان يوافقو يمارسوا معاه #الجنس بالقوه و باقذر الاساليب وللأسف مش كلهم بيكون عندهم الشجاعه الكافيه عشان يواجهوا قذارة هذا الحيوان ،
ده غير ان اللي بتفكر ترفض ابتزازه وتفكر تقوله انها ممكن تاخد اجراء قانوني ضده بيتم تهديدها بمنصب ومكانة خاله ال (محترم) محمد محمد و العينين ونفوذه
وللأسف الشديد هذا المريض بيظهر على شاشات #التليفزيون على انه طبيب
(ملحوظه) : انا أم لـ واحده من ضحايا هذا الكائن عديم النخوة والضمير ولكن انا مخفتش من ابتزازه ليا و لبنتي
عشان كده هي جت قالتلي وانا قلت لأخوها كل حاجه حصلت معاها وطبعا أبني راح عشان يقابله فرفض
ولكن اخوها انتظره خارج العياده ولما شافه اتخانق معاه وحب يعرفه انها من عيله محترمه و مش مكسورة الجناح وان في ظهرها رجاله
لكن هذا الدكتور شتمه وشتمها وخلا الـ (بودي جارد) بتوعه يضربوا ابني ويرفعو عليه #السلاح اللي مفتكرش إنه مترخص
وحاليا ابني في المستشفى في حاله خطر ده غير ان بنتي انا في حاله نفسيه في قمه السوء وطبعا باباها واهلها ميعرفوش اي حاجه خالص عن الواقعه دي
لأنه بأختصار باباها لو عرف (هيموت)
وعشان كده قررت اني انشر قضية بنتي وفضية غيرها كتير من بنات الناس اللي بيروحوا لهذا الحيوان من غير ما يعرفوا ما وراء هذا الوجه من قبح !!!
لكل أم و أب و أخ و أخت
لكل البنات والشباب اللي في سن بنتي و أبني واللي لسه عندهم ضمير وعندي ثقه لا توصف في انهم ف ايديهم يساعدوني في كشف قبح هذا الشيطان
وربنا يستر على فتاتي و كل فتياتنا من عديمي الضمير
#رساله_من_أم_لكل_أولادها_وأخواتها