رسالة توعية من «تامر حسني» للجمهور

وكتب تامر رسالة توعية للجمهور، قائلاً: “الي تليفون من احدى معارفي بأن هناك طفل إسمه يوسف عنده ٧ سنوات مريض بسرطان الدم ومقيم بمستشفى دار الفؤاد علمت انه يرغب في رؤيتي على الفور توجهت له وجلست معه وجدته طفل جميل وخفيف الظل و شديد الإيمان بالله وشعرت وكأنه رجل كبير قادر على ان يتحمل ماكتبه الله له فالحقيقه انا كتبت الكلام ده لحاجتين مهمين جداً اول حاجه قوة ايمان هذا الطفل وكيف يتعامل مع مرضه بالصبر والتفائل والإبتسامه و تاني حاجه حينما سألت والده عن السبب هل وراثي فقال لي لا وكانت المفاجئه بالنسبالي هي سبب مرض يوسف وهو كثرة الوجبات السريعه الجاهزه من المطاعم لأن مناعة الطفل في هذا السن تكون ضعيفه جداً لاتتحمل نسب البكتيريا الموجوده بالزيوت ومواد الطهي الناتجه من عدم النظافه وتكرار الإستخدام لفترات طويله فوقفت لحظه افكر فى كمية الأطفال المعلقه بهذا النوع من الطعام ويأكلونه بشكل دائم”.

وأضاف: “فكان واجب عليا نشر الكلام ده لتوعية جميع الأسر بالتأكيد بعد ما إستأذنت والده وكان رده يا ريت تقول لكل الناس الكلام ده ربنا يشفيك يا يوسف يا حبيبي ويشفي كل مرضانا واتمنى كلامي ده يوصل لأكبر عدد من الناس عشان خاطر ولادنا”.