بالفيديو.. «مخلوقة ليه» يتخطى الـ 10 آلاف مشاهدة في أقل من 24 ساعة..و«رنوش»: بلسان كل ست

من كلمات: أحمد حسن راؤول، وألحان: محمد فخراني، وتوزيع: إلهامي دهيمة، وإخراج: سامي بساط.

وقالت رنا، عبر صفحتها الرسمية على موقع التواصل الاجتماعي “فيس بوك”، أن: “مخلوقه ليه بالنسبه لي مش مجرد دعاء ولا حاجه عاملاها عشان الناس تسقفلي بعدها انا اول ماسمعت الدعاء ده اصريت اني اغنيه حسيته بيتكلم بلسان كل ست عربيه انا مش بقول ان الست لازم تبقى زي الراجل لاني مؤمنه بدور الراجل وان في حاجات لازم مايعملهاش غير راجل بس حبيت اغير مفاهيم كتير خطأ(اكسر للبنت ضلع يطلعلها ٢٤)(الست مالهاش غير بيتها وجوزها)(انا الراجل ) وللاسف اننا بنستخدم ايات قرآنيه ونرددها عن جهل ومعظمنا بيختصر الايه لحد الحته اللي على مزاجه ومعظمنا كمان بيفسرها على مزاجه عشان يثبت ان ده الدين على الرغم من ان القرآن والسنه كرموا الست كرم الزوجه كرموا البنت كرموا الام الاخت لازم نفهم اننا اتخلقنا نكمل بعض حواء اتخلقت من ضلع آدم بس كمان من غير الست مش هيتولد راجل الست اللي بتبني الراجل وتربيه وتعلمه ازاي يكون راجل نفسي رسالتي توصل لكل العالم مش بس للناس اللي بتحبني او الناس اللي بتسمعني نفسي كل راجل يروح يبوس ايد امه ويقولها انتي على راسي من غير رضاكي مش هيرضى عني ربي رغم انك ست يبوس ايد اخته ويخاف عليها رغم انها ست يبوس راس زوجته ويقولها انتي هديتي من ربنا انتي اللي هتبني انتي تاج على راسي رغم انك ست يخاف على بنته ويحبها ومايفرقش بينها وبين اخوها عشان هو ولد لا العكس رغم انها بنت انا برفض نظرة كل المجتمعات العربيه للست برفض كل نظره بشوفها من عين راجل في الشارع وفي الشغل وفي كل مكان وبفتخر اني بنت وان ربنا خلقني كده وبقول شكرا يا رب انك كرمتني شكرا يا رسولي انك احترمتني وانك وصيت عليا اتمنى نقرا كتييير ونشوف ونفهم ونستوعب ازاي ربنا كرم النساء ازاي الرسول كان بيعامل زوجاته وبناته انا عارفه اني طولت وان ممكن معظمكم يكسل يقرا كل ده بس كلام كان محشور في زوري ونفسي اقوله شكرا”.

وهي الأغنية التي تقول كلماتها: مخلوقة ليه .. علشان اكون في البيت ودوري يدوب أربي

لا هبقا قدوة وأعيش حياتي وأرضي ربي ..

مش هبقا عايشة في سجن وارضى ب باب وقفل

مخلوقة ليه ..

علشان تقولوا عليا لازم أستخبى ..

لا هبقا بطلة حرب رمز لدين محبة ..

وهبقا بردو أم صالحة بربي طفل

أنا واحدة فاهمة ديني صح وعارفة ان أنا ليا دور وهحققوا

أنا ماتخلقتش متعة أو تمثال خشب نظرات عنيكوا تشققوا

اقروا التاريخ شوفو الرسول شوفوا الأصول مع أهل بيته بيعمل ايه

يارب لو ماشية في طريق غير اللي يرضيك مهما كان ليك ردني

أنا عارفة اني ساعات بتوه وساعات هموم الدنيا دي بتشدني

قويني أقف على رجلي وأثبت اني مش مخلوقة شيء يتداس عليه