اسامة كمال:ان لم ننتصر هذه المرة سنواجه عدو واضح المعالم

افتتح الاعلامى اسامة كمال برنامجه “القاهرة 360 “من رحم الهزيمة خرج الانتصار من حوالي 50 سنة.. ومن رحم الاحتلال خرج الجلاء من 60 سنة.. ومن رحم الكابوس خرجت ثورة شعبية من أقل من سنتين.. يعني من كل أزمة كبيرة طالت أو قصرت قدر الشعب المصري يخرج بدرس وعبرة وتحدي، أتخطاه وانتصر فيه.

وتابع كمال خلال برنامجه المذاع على شاشة “القاهرة والناس ” انه مع كل انتصار خرجت علينا الأصوات تهاجمنا.. تهاجم انتصارنا في 73 وجلاء الاحتلال البريطاني عن مصر في 54 والثورة على الاخوان في 2013.. وفي كل مرة ما اديناش العالم وداننا وكملنا وقاومنا لأننا عارفين اننا على الطريق الصحيح”.

واكد كمال أن”في كل مرة انتصرنا على عدو واضح المعالم وفشلنا في التعامل مع العدو متخفي جوانا.. اللي اسمه الفقر والجهل والاهمال.. مع كل انتصار نعمل زي اللي نزلوا يجمعوا الغنائم يوم أحد ونسيوا أن المعركة ما انتهتش إلا بالقضاء على الثالوث المجرم.. الفقر والجهل والاهمال ومعاهم الظهير القوي اللي اسمه الفساد.. لو مانتصرناش المرة دي هنلاقي نفسنا تاني راجعين نواجه تاني عدو واضح المعالم لأننا هنفضل مطمع للي يسوى واللي مايسواش”.

وتسائل كمال هل نحن نريد النصر الكامل؟ أجلوا جمع الغنايم وخليكم صامدين في وش العدو اللي متمكن مننا.. نتحلى بروح المعارك اللي انتصرنا فيها ونفس العزم.. والمرة دي إن شاء الله ننتصر النصر الأكبر”.