بكائيات حسنين السيد

 
 
 
 يــَـا .. منفلُـوطـى ؛ يــَــا .. رُمَّــــــان !!
عُـقْـد الـزُّهُـور الـِّلى انـْفَـرَطْ .. فى منفَلـُوط
كَان لـُونـُه أحْمَـرْ ..زَىْ ( رُمـَّـــان ) الغيطَـان ..أخْضَـــرْ .. كَمَا لـُون الأمَـلْ جُـوَّة العيـدَان ..مَخْـلُوط بلُـون الحُزْن بيهزْ الكَيـَان !!…أصْـفَــــرْ ..كَمَا لـون ( الخِـدَعْ ) فى السِّيرك ..ويَّا البَهْلَـــــوَان !! ؛وبلُـون خَيـالات المآتـَة فْ عَصْرنـَا :عَصْـــر الخيـَانـَة للأمأنـَــة .. والهَـــوَان !!***واللى انفَتـَحْ مُشْ مَزْلقَان ؛وَلاَ شُغُـل جَـان !!اللى انفَتـَـحْ .. شَلاَّل دمُــوع ..جُـوَّة النجـُوع .. و ( عَ ) الشطُوط ..مُشْ بَسْ فُــوق المَزْلقَان .. فى منْفَـلُوط !!
****اللى انفَـتـَحْ ســرْدَاب آهَـات ..مَلْيـَان شَجَنْ وبْذكْـرَيـَات ؛وأغْنيـَـات ؛وعْـيـَـــاط نَـايَـات ..تبكى ( قَــدَرْ ) كُلْ الرِّجَـال الشَّـقْيـَانين ..العَـرْقـَـانين ..فى ( حَـرْ ) شَمْس الأمْنيـَات !!
من يُوم ( مَ ) فلاَّحنا الفَصيح ..( م ) الظــُّلْم كَان وَاقِـفْ يصيح ضدْ الطغَاه ..ضدْ ( فرعُـون ) الإلــه !!من يـُومْها ـ واحْنـَـا ـ لاَ نَجَــاه ؛………………ولا اتجَــاه .. ولا حَيـَـاه !!***فالحـُــزْن بـَادىءْ منْ زَماااااااااااان ..مِـنْ بـَدْء تـَاريخ السُّـكُوت ………………..ويَّـا السُّـقُـوط ..مَابـَدأش فـُوق المَزْلقَــان ………………………فـى مَنـْفَـلُوط !!