رأي 11
إعلام سعيد الهوا
أنا خدت الموُتسكل بتاعى وعملت واحد امباليه إداني إتنين فرقعة بالشووووكمان ورا .. هكذا تبدأ اغنية سعيد الهوا ( من اسكندرية ومن الحضرة القبلية، الرابط أسفل المقال ) وهو يصف معركة وهمية مع ظاظا الفتوة لما رمى عليه 6 بطرمان ، قتلوا سته من ضمنهم صاحب القهوة ، حاجه كدا زي استقصاء منى عراقي أو بوقين من بتوع وائل الإبراشي، واحد أمبليه يديك 2 فرقعة في الشكمان ورا، أو زي ما كان يقول فطوطه “وحشتونا” ، “أمال ايه” ..
الإعلام المصري الذي يتناوله البعض على انه اعلام ريهام سعيد ومنى عراقي نزل تحت فشخة أو فشختين كما يقول أهل الشام ( فشخة تعني خطوة) وانحدر لحالة إعلام سعيد الهوا.
اتمنى من القارئ ان يستمع لرابط سعيد الهوا أسفل المقال ويحكم بعدها.
الاعلام عندنا اصبح لا يعلم بضم الياء وأحيانا بفتحها، كله ضوضاء وخلق بطولات وهمية، أو ركوب موتوسكل الفضائية ويضرب المذيع واحد أمبليه فيديه ٢ فرقعة .
لقد زادت نسبة الفرقعات الإعلامية وآخرها الفيلم الهابط بتاع منى عراقي والحمام البلدي والشغل البلدي.
لقد وقعت مصر ضحية لإعلام سعيد الهوا وكما المنومين مغناطيسيا نمشي ونحن نائمون بتأثير مخدر حالة الإنحطاط الثقافي السائدة وحتى العقلاء بيينا ساعات تحكم عليهم الظروف فيضرب واحد أمبليه و٢ فرقعة من الشكمان ورا.
حمى الله مصر من اعلام سعيد الهوا.
استمع سيادتك واستمتع ..