ماأشبه الليلة .. بالبارحة !!

.. ولانى شريف ولطيف وظريف ..ملفوف بلفيف :من أهل النخبة الصًفوة بيرصُدْ دب النََّمْل فْ كُلْ رَصيفلاجل الأرشيف !!وحَويط وحَصيف ..من يقدر ياخد جُوه بطاقته لقب هتِّــيف ،ويمارس كل طقُوس اللعبة فى التَّزْييف :يصطف ف صف الحَرَسْ الرَّاعى ( كَلْب ) أليفمايكونش نشاز فى الجوقه يهَوْهَوْ بالتكليف ،ويآمن طبعا – قبل داكُلُّه – بالتوليف ،وبان ( الورث ) داشرع الرً ب ومش تشريف ،ويكون بارع فى التستيفموهوُب حريف
بيقول الكدب بكل الصِّدْق الكامن ْ- جُوَّه – فى التلافيف !!،ويعُوم فى الكدب بدُون مَجَاديف ،ويأكد ان المولى – تمللى – حليم ورئيفسُبحانه دايماً له تصَاريف ،وبكل عنايته – بعت له حكُومة بالتوظيف ؛وبان رئيسها ـ بكل المعنى اللغوى ـ ( نظيف ) !!
( جُمْلَة اعترَاِضيَّة – أوْ تَعْريف :الكلمة هنا بمعناها ِصفـَـة ُ ُ أو تَوْصيف)ماهياش اسمُ ؛ ولا اسْقاط ؛ُ ولاتحريف )،
ونعود لسياق النـًَـصْ الأصلى قبل مااضيف :ان الــرًَب بعت له حكومة رئيسها نظيف:فكره مآمن بالتجريفلجيوب وعقول الناس البـُسَطا وكُلْ ضعيف،ولكل الجَاى م الغرب حليف ،وبدون مزادات .. وبدون مظاريف ..بيبيع فى السر وفى الاعلان وبدون تسويف..لجميع أجزاء مصر المحرُوسة : حضَــرْ أو ريف !!
***
ولانى شريف ولطيف وظريف..باتفرَّجْ على صندُوق الدنيا ف مـُولد سيدى على الغطريف ،واقنع بشوية حُمُّصْ مقلى وراجع بيهم ،ومخبيهم م ( الجندرمة ) وم ( العتاريف ) ،وازعق ف مراتى تقوم مفزوعة من التخاريف :احنا الطبقة العالية الأعلى ..صحى عيالك : قومى عشينا طبق ( فولوُبيف )دالمصرى( حَ ) يفضل ــ مَهْمَا تضيق الحلقة ــشريف ولطيف وظريف ،ويحيًر كل فلاسفة هذا العالم فى التوصيف !!
***