تامر أمين يهاجم سلوى خطاب بسبب تصريح «البوس» في الأفلام

هاجم الإعلام تامر أمين، في حلقة الأمس من برنامجه “من الآخر”، الذي يذاع على قناة “روتانا مصرية”، تصريحات الفنانة سلوى خطاب، التي قالت فيها أن السينما المصرية باظت من ساعة ما بطلوا بوس في الأفلام.

وقال أمين: “سكر..سكر.. محتاجين تعقيب، محتاجني أتكلم.. هي قالت في الأول والمذيعة قعدت تضحك معاها.. وأنا قلت أنها هترد عليها هتقولها إيه اللي بتقوليه ده.. فالمهم رجعتها في الكلام تاني فقلت بقى هتاخذ بالها”.

وأضاف: “قالت لأ ده إحنا كنا بنتعلم المشاعر ومش عارف إيه وبتاع دحنا كنا بنتباس والسينما المصرية كلها بوس، قالت كده باللفظ.. ومش صغيرة سلوى عشان تقول الكلمتين دول.. طب لو واحدة شابة 18 أو 19 سنة ونقول لسه رحلة الدنيا واخداها ومش عارف إيه.. سلوى فنانة كبيرة بس بالكلمتين دول كبيرة في السن مش كبيرة في التاريخ الفني.. فيلم الساحر بالذات.. أنا بعمل كده عشان جالي هوس”.